Skip to main content

Naalakkersuisut Illersornissaqarfiup Isertortumik Paasiniasartuisa kanngunartuliornerannut akuleruttut

Naalakkersuisut inerteqqutaasumik paasissutissanik pissarsisoqarsimasinnaaneranik saqqummiussisoqareersoq Danmarkimi illersornissamut ministerimut saaffiginninniarput.

Aleqa Hammond (NQ) Danmarkimi Illersornissaqarfiup Isertortumik Paasiniaasartuisa kanngunartuliorsimanerannut tunngatillugu arlalinnik Naalakkersuisunut apeqquteqarsimavoq.

Suliami pineqarpoq, Isertortumik Paasiniasartunik Nakkutilliisut sakkortuumik isornartorsiuisimanerat. Nakkutilliisut naapertorlugit, isertortumik paasiniaasartut Danmarkimi innuttaassusillit pillugit paasissutissanik unioqqutitsillutik katersisarsimapput. 

Nunanut Allanut tunngasutigut Naalakkesuisoq Steen Lynge (D) naapertorlugu, Naalakkersuisut Danmarkimi illersornissamut ministerimut saaffiginninniarput:

- Naalakkersuisut suliaq pillugu illersornissamut ministeri oqaloqatiginiarpaat, tamatumalu kingorna paasissutissat pissarsiarineqartut aamma Naalakkersuisut tamatumunnga qisuariartariaqarnersut pillugit isummissallutik, Steen Lynge allappoq.

Aleqa Hammondip aamma paaserusussimavaa, Kalaallit Nunaanni innuttaasut paasissutissaataannik unioqqutitsisumik pissarsisoqarlunilu ingerlatitseqqiisoqarsimanersoq.

Suliaq apeqqutinik pilersitsisimasoq

Tamanna Steen Lyngep oqaaseqarfigisinnaannginnerarpaa, akissuteqaamminili imatut allappoq:

- Danmarkimi Illersornissaqarfiup Isertortumik Paasiniaasartui pillugit suliaq apeqqutinik pilersitsisimavoq, taakku Kalaallit Nunaannut attuumassuteqarsinnaanersut pillugu Naalakkersuisut illersornissamut ministerimut apeqqutiginiarpaat.

Tamatuma saniatigut Steen Lyngep Illersornissamut ministerip oqaaseqaatigisimasai ingerlateqqinniarpai, ministeri oqarsimagami Illersornissaqarfiup Isertortumik Paasiniaasartui paasissutissanik pissarsiniartarnerannut atatillugu, Kalaallit Nunaanni innuttaasut Danmarkimi innuttaasutulli illersugaasut.

Illersornissamut Ministeeriaqarfik Sermitsiaq.AG-mut itisiliilluni akissuteqarsimavoq, ministeeriaqarfiullu nassuiaatigisimavaa, inatsit Illersornissaqarfiup Isertortumik Paasiniaasartuinut sinaakkusiisoq naapertorlugu, Kalaallit Nunaanni innuttaasut Danmarkip naalagaaffiani innuttaasuusut.

Illersornissaqarfiullu Isertortumik Paasiniaasartui pilersinneqarsimasut, Danmarkip avataanit ulorianartorsiortinneqarsinnaaneranut illersuisussatut, taamalu Danmarkip naalagaaffiani innuttaasunik naakutiginnittussaanngitsoq.

Pisortat arlallit suliunnaarsinneqarsimasut

Tassa imaappoq, isertortumik paasiniaasartut Kalaallit Nunaanni innuttaasut pillugit paasissutissaateqarpata, paasissutissat pineqartut aalajangersimasumik isumagineqartussaasut.

Illersornissaqarfiup Isertortumik Paasiniaasartui pillugit kanngunartuliorsimanermi pineqarpoq, Isertortumik paasiniaasartunik Nakkutilliisut paasiniaasartunut sakkortuumik isornartorsiuisimanerat.

Isertortumik paasiniaasartut ilaatigut inatsimmik unioqqutitsillutik suliaqartarsimasutut, tassa Danmarkip naalagaaffiani innuttaasut pillugit paasissutissanik tunngavissaqaratik pissarsisimasutut pasillerneqarput.

Isertortumik paasiniaasartut pisortaat, sulisullu marluk qaffasissumik inissisimasut tassunga atatillugu suliunnaarsinneqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER