Skip to main content

Naalakkersuisut illersornissaq pillugu isumaqatigiissummut atsiortut

Issittumi piginnaasanik annertusaanerup Kalaallit Nunaanni Savalimmiunilu illersornissap nukittorsarneqarnissaanut qanoq atorneqarnissaa pillugu Nunanut allanut naalakkersuisup Vivian Motzfeldtip (S) danskit illersornissamut ministeriat peqatigalugu marlunngornermi atsiorpaa.

Danmarkimi naalakkersuisut 2019-imi aalajangerput, 2018-2023-mut illersornissamut isumaqatigiissummut tapiliussatut isumaqatigiissusiortoqassasoq, tassani illersornissamut missingersuutit 2023-mi immikkut 1,5 milliarder koruuninik ilaneqartussanngorlugit. Aningaasat Issittumi Atlantikullu Avannaanni suliassap "Issittumi piginnaasanik annertusaaneq"-tut taaneqartumut atorneqassasut isumaqatigiissutigineqarluni.

Kalaallit Nunaata Danmarkillu aningaasat sumorpiaq atorneqassanersut marlunngornermi isumaqatigiissutigaat. Sussassaqaqatigiit ilaatigut isumaqatigiissutigaat, Kangerlussuarmi upalungaarsimanermut ilinniartitsisoqassasoq aamma droninik nakkutilliissutissanik pisiaqartoqassasoq.  

Aningaasaliissutit suliassallu

Savalimmiuni kalerrisaarutitut radariliinissaq (390 mio. kr.)
Ungasissumut ingerlasinnaasut nakkutilliinermi drone't (750 mio. kr.)  
Qaammataasakkut nakkutilliineq (85 mio. kr.)
Nunami tigooraavik (40 mio. kr.)
Qaammataasatigut attaveqaatit (ingerlatsineq)
Kalaallit Nunaata sineriaani radarit (20 mio. kr.)
Umiarsuarni atugassat drone't mikinerusut (60 mio. kr.)
Misissueqqissaarnermi piginnaasap pitsaanerulernera (20 mio. kr.)
Periaasissatigut nalilerneqartut attaveqaatit (40 mio. kr.)
Kalaallit Nunaanni ilinniartitaanerit (50 mio. kr.)
Sungiusarluni ingerlatat (35 mio. kr.)

Qaammataasaqarnikkut piginnaasanut immikkoortitat (10 mio. kr.)

Illersornissaqarfiit qullersaqarfiini officerit (ingerlatsineq)
Kalaallit Nunanani ilisimatusarfinnik suleqateqarneq (ingerlatsineq)
1,5 mia. kr.-t missaannik nalilinnik pisiaqarnissaq aamma uiumut 300 mio. kr.-t missaannik ingerlatsinermi aningaasartuuteqarnissaq.

Issittumi piginnaasanik annertusaanissaq siorna unammillernartoqartinneqarpoq, taamanikkummi Nunanut allanut Naalakkersuisuusup Pele Brobergip (N) suliniutit arlallit akerlerai. Tigussaasumilli suliniutigineqarniartut pillugit isumaqatigiissut maanna atsiorneqarpoq.  

Naliliisoqarpoq Kalaallit Nunaanni pilersinneqartuni piginnaasani tamani Kalaallit Nunaanni suliffinnik nutaanik 20-t missaannik pilersitsisoqarumaartoq, annerusumik Nuummi aamma Kangerlussuarmi. Aammattaaq Kalaallit Nunaanni ilinniartitaanerup nutaap siuarsassallugu ilinniagaqareernerup kingorna nunaqavissut amerlanerusut Illersornissaqarfimmi maannakkut suliffiini atorfinitsinneqarsinnaanerat.

Suliniutigineqarniartuni oqallisigineqarnerpaat ilagisimaavbaat dronit nakkutilliissutissat. Isumaqatigiissuteqarnermut atatillugu droninut ungasissumut ingerlasinnaasunut 750 millioner koruunit immikkoortinneqarput. Aamma qaammataasanut 85 millioner koruunit immikkoortinneqarput, droninullu mikinerusunut umiarsuarni atorneqartussanut 60 millioner koruunit immikkoortinneqarlutik.

Annaassiniartarneq assartuisarnerlu eqqarsaatigalugit Air Greenlandimik suleqateqarnerup nukittorsarneqaarnissaa isumaqatigiissummi aamma eqqaaneqarpoq. Allassimavorli pisariaqartitsineq qulaajaaffigineqassasoq, tamatumanngalu suliaqarneq 2022-p ukiuata affaani siullermi aallartinneqassasoq naatorsuutigineqarluni.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER