Naalakkersuisut coronamut tunngatillugu upalungaarsimanissamut nutaamik malittarisassaliulersut
Ajunaarnersuaqarnissaanut upalungaarsimanissaq Kalaallit Nunaanni atuutsinneqalerniarpasippoq. Tamatumunnga pissutaavoq nunami coronap atuunnerata ajorseriarsinnaasutut isikkoqarnera
Danmarkimi Naalagaaffiup politiivi coronavirusip tuniluunnera siaruaatilermalli arlalinnik suliniuteqarsimapput, coronavirusip nunarsuarmi tamarmi ajornartorsiortitsinerani pitsaanerpaamik aaqqissuussaqarnissaq anguniarlugu.
Ajornartoornermi malitassat allanngortinneqarsinnaasarput, tassa ajornartoornerit pitsaanerpaamik qaanngiiffiginiarlugit qaqutiguinnaq assigiimmik iliuuseqarfigineqarsinnaasanngimmata. Tamanna aamma atuuppoq, oqartussat naleqqussaaniartarnerannut peqqussutinillu pitsaanerpaamik anngussiniartarnerannut.
Paasinninneq
Oqartussat paasisimannguatsiarpaat, Tuniluuttumik nappaalasoqarnerani ataatsimiititaliap kisimiilluni coronap siaruaannera iliuuseqarfigisinnaanngikkaa, oqartussammi qularutiginngisaattut nunami tuniluuttoqalerpat tuniluunneq sukkasoorujussuarmik ajortup tungaanut ingerlalersinnaavoq.
Chefpolitiinspektørip Svend Foldagerip sapaatiummat tusagassiortunik katersortitsinermi ilimatitsissutigaa, oqartussat akornanni suleqatigiinnerup qanoq pitsanngorsaaffigineqarsinnaanera oqartussanit misissuiffigineqartuartoq.
-Soorunami aamma misissortarparputpisumut naleqquttumik aaqqissuussisimanerluta, Svend Foldager ilisimatitsivoq.
Taassuma ilisimatitsissutigisinnaannginnerarpaa, qaqugu suliamik saqqummiussisoqassanersoq. Attaveqaatinullu Naalakkersuisoq Karl Frederik Danielsen apeqqummut erseqqissumik akissuteqarsinnaanngilaq.
- Tamanna pillugu aalajangiinissamut uanga pisussaatitaanangalu aksiussaaffeqanngilanga, Svend Foldager tusagassiortunik katersortitsinerup kingorna Sermitsiaq.AG-mut nassuiaavoq.
Qanittukkut saqqummiussisoqassasoq
Sermitsiaq.AG-mit paasineqarsimavoq, oqartussat coronamik ajornartorsiuteqarnerup annertusinerani, pitsaanerpamik pisortat qanoq iliuuseqarsinnaanerat pillugu malitassamik Naalakkersuisut ullualunnguit qaangiuppata saqqummiussiniannguatsiartut.
Nunatsinni Nakorsaanerup Henrik L. Hansenip tusagassiortunik katsersortitsinermi aamma oqatigaa, innuttaasunut saqqummiussisarnerup pitsaanerulersinneqarnissaa ullut tamaasaa sammineqartartoq.
- Soorunami pitsaanerusumik iliuuseqarsinnaavugut, tamannalumi sulissutigaarput, Henrik L. Hansen oqarpoq.