Skip to main content

Naalakkersuisut aalajangiusimapput: MIttarfiit nutaat iluanaarutaapput

Mittarfiit nutaat aningaasaqarnikkut iluaqutissartaqassanersut, aningaasaqarnermut ataatsimiititaliami apeqquserneqarput. Naalakkersuisut toqqissisimapput.

Siumut ungasissoq eqqarsaatigalugu inuiaqatigiit aningaasaqarnerannut Nuummi, Ilulissani aamma Qaqortumi mittarfiliorneq iluanaarutissartaqarpoq. Naalakkersuisut 2020-mut aningaasanut inatsisissamut siunnersuumminni isuma tamanna attatiinnarpaat.

- Kalaallit Airports Holding A/S-imi aningaasaliinerit piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmi siunertanik naammassinnissasut nalilerneqarpoq, taannami aqqutigalugu nunatta piffissamut ungasinnerusumut aningaasaqarnikkut attassisinnaanissaa qulakkeerneqarpoq, aningaasanut inatsisissamut siunnersuummi tamanna oqaatigineqarpoq.

Piffissami kingullermi Pele Brobergip (PN) aningaasaqarnermut ataatsimiititaliamut tamannarpiaq pillugu qularuteqarpoq. Kangerlussuup attatiinnarneqarnissaanik kissaateqarneq mittarfinnik suliniuteqarnermi siunissaq ungasissoq eqqarsaatigalugu aningaasartuuteqarfiussasoq, taanna isumaqarpoq. Taamaalillunilu Kalaallit Airportsimut aningaasaliissuteqarnissamut inatsit unioqqutinneqassasoq.

Kisianni Naalakkersuisut aningaasanut inatsimmut siunnersuumminni qularuteqanngillat.

- Kalaallit Airports Holding A/S-imut aningaasaliineq Nuummi aamma Ilulissani nunanit tamalaanit mittarfiit kiisalu Qaqortumi nunap immikkoortuani mittarfiup sananeqarnissaannut, ingerlanneqarnissaannut aningaasalersorneqarnissaannullu killiliussatut piumasaqaatit pillugit Inatsisartut inatsisaat nr. 4, 22. november 2018-imeersumi aningaasatigut kingunissat naapertorlugit siunissaq ungasinnerusoq

eqqarsaatigalugu qulakkiikamik isumannaarisussatut inuiaqatigiinnullu aningaasaqarnikkut iluanaarutaalersussatut nalilerneqarpoq, tamanna allaqqavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER