Skip to main content

Naalakkersuisup taarserneqarnera aalisartut kamaatigaat

Naalakkersuisup akisussaasup taarserneqarnerata kingorna aalisartut sinerissameersut akunnerni makkunani KNAPK-mut attaveqaqattaarput. Arlallit qinersisoqarnissaanik piumasaqarput. Kattuffiup ulluinnarni aqutsisut pisoq oqaloqatigiissutigaat.

Henrik Sandgreenip allaffiani oqarasuaat ulloq naallugu sianeqattaarpoq. Tamatigullu aalisartoq kamattoq tassani KNAPK-mi siulittaasumut sianertarpoq.

- Sinerissamit naammagilerneqartoq nalunaarutigineqarpoq, Henrik Sandgreen Sermitsiaq.AG-mut oqarpoq.

Tamanna naammaleqaaq, aalisarnermut piniarnermullu naalakkersuisut nikerakulanerat. Karl-Kristian Krusep naalakkersuisunngortinneqarnerani Henrik Sandgreenip KNAPK-mi siulittaasuunermini arfinilissaanik nikittoqarneranik naammattuugaqarpoq.

- Nunarsuarmi tassani rekortiugunarpunga, taanna oqarpoq.

Nunatsinni inuutissarsiornerit pingaarnerpaat
Taamatut quujasaarnerup tunuliaqutaraa, nunatsinni inuutissarsiornerup pingaarnerpaasup atugassarititaanik pakatsinerujussuaq. Henrik Sandgreen naapertorlugu tassunga nutaamik naalakkersuisortaarnerit tamaasa aamma nutaamik politikkimik malitseqartuaannarpoq. Tamannalu nalornilersitsisarpoq.

- Aalisartut inuutissarsiorneq ineriartortikkusuppaat, angallatitik nutarsarusuppaat. Kisianni aalisarnermut politikkip allanngorteqattaarnerani tamanna pisinnaanngilaq, KNAPK-mi siulittaasoq oqarpoq.

Taarseraatikulasoqarnerani aalisartunut annertuumik ajornartorsiortitsisoqartartoq, Grønlandsbankenip siornatigut oqariartuutigereerpaa. Ukiumut nalunaarusiami kingullermi ima oqariartuuteqarpoq: 

- Ukiut tallimat ingerlanerinnaani aalisarnermut naalakkersuisut assigiinngitsut arfiniliunerat, aamma allannguisoqarpallaarani aalisarnermut politikkip sammivianik assigiinngitsunik oqariartuuteqartoqarnera taamaammat ernumanarpoq. Politikkikkut anguniakkat allanngorartut aamma tassanngaannartumik sinaakkutissanik allannguilluni oqariartuuteqarnerit aningaasaliisussanik tunuartitsisinnaapput, aamma inuussutissarsiornermi aningaasaliinissaq ajornarnerulersillugu.

Kingullermik allannguineq sioqqullugu una allataavoq.

Qinersinissamik piumasaqartut
Sulisitsisut aamma aalisarnermut politikkimik allannguisaqattaartarnerit ernumassutigineqarput.

- Nunap pingaarnertut aningaasarsiutaa politikkikkut aaqqiiniarnermut atorneqaqattaarnera peqqinnartuunngisaannarpoq, Sulisitsisut siulittaasuat Henrik Leth oqarpoq.

Politikkikkut taamatut aaqqiiniartarnerit aamma KNAPK-mi ilaasortat kamaatigaat. Ukiakkut ataatsimiittoqaqqilerpat nutaamik naalakkersuisumik saqqummiisoqaqqinnissaanut ernumassuteqarput.

- Naammagittarsinnaajunnaarput, maanna qinersisoqarnissaanik piumasaqarput, Henrik Sandgreen oqarpoq.

Taassuma pisut ilungersunartutut tiguai, ullunilu aggersuni KNAPK-mi ulluinnarni aqutsisut peqatigalugit pissutsit oqaloqatigiissutiginiarpaat, taakkulu kattuffimmit nalunaaruteqassapput.

- Kim Kielsenimut naammagittarluarnikuuvugut, kisianni tunuliaquttaminik aqutsisinnaannginnera ajornartorsiuterujussuuvoq.

Aalisarnermut inatsit kinguaattooqqasoq nalornisitsisoq
Henrik Sandgreenip aalisarnermut inatsit kinguartinneqaqattaartoq tikkuarpaa. Kattuffik siunnersuutinut ilanngussiniarluni ilungersorluni sulissuteqarpoq. Kisianni nutaamik naalakkersoqaleraangat, sulineq aallaqqaataaniik aallartittarpoq, pineqartup nammineq politikkiminik ingerlatsiniarnera pissutaalluni.

- Politikki qaammatit arlaqanngitsut qaangiuppata qanoq isikkoqarumaarnersoq nalugatsigu ilaasortagut qanoq siunnersussanerlugit naluarput, taanna oqarpoq.

Aamma atuaruk: Karl-Kristian Kruse naalakkersuisunngoqqittoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER