takornarialerineq
Naalakkersuisunut sakkortuumik akerliliisut
Naalakkersuisut siunissami takornariaqarneq pillugu anguniagartuunik pilersaaruteqarput. Kisianni Naalakkersuisut suliffeqarfinnik aningaasarsiorfiusumik ingerlatsinissamik takorluugaqarneq taamaatittariaqarpaat, takornariartitsisartut kamassimaqisut nalunaarput
Takornariaqarnermik suliffeqarnerup iluani Nalaakkersuisunik naammaginninnginneq sakkortusiartorpoq.
Suliffeqarfinnit namminersortunit nunatsinni pulaartagassanik namminersorlutik oqartussat pigisaannik pilersitsiortornissamik pilersaarutit qularnarluinnartutut isumaqarfigineqarput.
Isornatorsiuisut arlaqartut
- Tamanna sianiilliornerulluinnarpoq, Hotel Sisimiuni pisortaq Anette Lings oqarpoq.
Taanna Nanortalik Tourism Service ApS.-ip namminersortup pisortaanit Niels T. Jepsenimit taperserneqarpoq, taannalu Naalakkersuisut takorluugaannik toqqaannartumik isornartorsiuivoq:
- Namminersorlutik Oqartussat tamatumani namminersortunut unammillernialissappata pissutsit Korea Avannarlermi pissutsinut eqqaanarsilluinnassapput, oqarpoq.
Aamma Kujataani takornariartitseqatigiiffiup Greenland Sagalandsip pisortaa Pitsi Høegh qularutiginnippoq.
- Pisiniarfiit ullumikkut pigisavut pisortat suliffeqarfiutaanni tammajuitsussanik kusanartulianillu pisiniarfinnit toqqaannartumik unammillerneqalissappata nakkaattoortussanngorartarsinnaapput oqarpoq.
Allaaserineqartoq aviisimi AG-mi atuarneqarsinnaavoq. Aviisi tamakkiisoq ataani pisiariuk: