Pituffik
Naalakkersuisunut isornartorsiuineq pissusissamisoortuusoq Pituffimmut aalajangiinerup takutippaa
Pituffimmi suliffissarsiuussisimanermut atatillugu misissuisitsineq isertuunneqarsimasoq tusagassiuuteqarfinnut assigiinngitsunut saqqummiunneqarpoq
Pituffimmi suliffissarsiuussinermut atatillugu kalaallit politikkerii oqartussaasullu eqqummaarinnerusariaqarsimagaluarput.
Misissuineq
Eqqartuussissuserisut Bruun & Hjejle Pituffimmi suliffissarsiuussinermut atatillugu misissuisuusut taamatut inerniliussaqarput. Misissuinerat Naalakkersuisuusimasunit aallartinneqarpoq.
Kalaallit Nunaata Danmarkillu suliami pitsaanerusumik suliaqarsimasussaagaluartut ilaatigut erseqqissaassutigineqarpoq.
- Namminersorlutik Oqartussat allakkanik amerlasuunik paasissutissanik imalinnik tigusaqarput maajimi 2012-mit novembarimi 2014-ip tungaanut. Tassani suliffissarsiuussinissamut atatillugu paasissutissanik arlaqartunik imaqarput, misissuisoq Ole Spiermann oqarpoq.
Namminersorlutik Oqartussanit aatsaat suliaq novembarip aqqaneq aappaanni 2013-mi aallartinneqarsimasoq aamma ilisimatitsissutigineqarpoq.
Isertugaasoq
Pituffimmi suliffissarsiuussinermi atatillugu misissuineq juulimi ukioq kingulleq aallartinneqartoq isertuunneqaqqaarpoq.
Isornartorsiuisoqareernerata kingorna Naalakkersuisut misissuisitsisimaneq saqqummiuppaat ullumi.
Namminersorlutik Oqartussanit kukkuluttortoqarsimagaluartoq taamaattoq suliamik sumiginnaasoqarsimanngitsoq misissuinerup takutippaa.
Inatsisitigut Kalaallit Nunaata isortorsiorneqarnissaa pissusissamissuunngitsoq Ole Spiermann oqarpoq.
Oqartussat sisamat ilisimasaqartut
- Naalakkersuisut siulittaasuata Naalakkersuisoqarfiani allannguuteqartoqarneranik nalunaaruteqartoqarsimanera allakkatigut takussutissaqartoqanngilaq, Bruun & Hjejle-mi atorfeqartoq allappoq.
- Aamma akuerineqartussanik atsiortoqarsimanissaa takussutissaqanngilaq.
Taamaakkaluartoq allakkanik paasissutissanik imaqartunik KNR-ip AG-illu qinnuteqaateqarnerminni paasissutissat piviusunut naleqqutinngillat. Tassami Udenrigsdirektoratip, Kalaallit Nunaata Sinniisoqarfia Københavnimiittoq, Inuussutissarsiornermut aqutsisoqarfiup kiisalu Nuummi akileraarnermut aqutsisoqarfiup USA-mit allannguutigineqarsimasut akueralugit atsiorfigineqarput.
Namminersorlutik Oqartussat politikkikkut ingerlatsisunit akuerineqaqqaarnatik allannguutit pillugit akuerinnittoqarsimasoq nalunaarusiap takutippaa.