Skip to main content

Naalakkersuisoq: Kiffartuussinissamut isumaqatigiissummi ajornanngitsunik aaqqiissutissaqanngilaq

Angallanneq pillugu aaqqiissutissaqanngikkallartoq, attaveqaqatigiinnermut naalakkersuisoq Karl Frederik Danielsen oqarpoq. Kiffartuussinissamut isumaqatigiissutit pillugit isumasioqatigiinnissamut politikerit tamaasa qaaqquai.

Karl Frederik Danielsenip (S), attaveqaqatigiinnermut naalakkersuisup, Inatsisartuni ilaasortaasut tamaasa angallannerup iluani kiffartuussinissamut isumaqatigiissutit pillugit isumasioqatigiinnissamut martsip 20-ani 21-anilu qaaqquai.

- Tassani qulequttani arlalinni maanna ajornartorsiutaasut, iluarsiiviginiarlugillu qanoq iliorsinnaanersugut sammineqassapput, tusagassiutinut nalunaarummini ilisimatitsivoq.

Suliassaq ajornaatsuunngilaq

Nassuerutigaali ajornartorsiummut aaqqiissutissaq nassaariuminaatsoq.

- Suliassaq ajornaatsuinnaanngilaq, taakkunani aamma aningaasaqarnermut sinaakkusiussanut pituttorsimasussaagatta, erseqqissaavoq.

Karl Frederik Danielsenip Disko Linep isornartorsiorneqarnera ilanngullugu oqaaseqarfigaa. Sermitsiaq.AG-p Qeqertarsuarmi innuttaasoq Disko Line pillugu naammagittarsinnaajunnaartoq allaaserisimavaa.

Ajornartorsiummut pissuterpassuupput

-  Erseqqissaatigerusuppara ingerlatseqatigiiffiup kisimi isornartorsiorneqarnissaa pissusissamisuunngitsoq. Assersuutigalugu KNI illoqarfinnut nunaqarfinnillu arlalinnut nioqqutissanik pilersuinermi kiffartuussinermut isumaqatigiissuteqarfigineqarsimavoq. Nuna tamakkerlugu nassiussanik assartuussinermi Royal Arctic Line kiffartuussinermut isumaqatigiissuteqarfiuvoq. Ilaanneeriarluni timmisartukkut nassiussanik assartuussisarneq, Air Greenlandip nassiussalerivianit isumagineqartoq atorneqartarpoq. Naggasiutigalugulu: Tele Post allakkanik poortukkanillu pilersuisussaatitaavoq, nangillunilu:

- Sullissisut amerlalluinnartut nuna tamakkerlugu pilersuinermi qulakkeeriniarlutik sulisuupput. Kisiannili taakku ataatsimut isigalugit silap pissusaa teknikkimillu ajornartorsiuteqarnerit nassiussat ingerlaqqinnissaannut pilersaarutinik kipusoortitsisarput. Tamatuma saniatigut taakku tamarmik imminnut atasuupput, taamaattumillu sullissisoq ataaseq kinguaattoorpat, sullissisoq tulleq aamma kinguaattuussaaq, Karl Frederik Danielsen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER