Skip to main content

Naalakkersuisoq: Ilinniartitsisunut atorfinitsitsisarneq nalilersoqqissavarput?

Ilinniartitsisussaaleqineq eqqarsaatigalugu kommunit Ilinniartitaanermut Naalakkersuisumut suli saaffiginnissuteqanngitsut, Ilinniartitaanermut Naalakkersuisup oqaluttuaraa. Kommunit atorfinitsitsisarneq akisussaaffigimmassuk ajunngitsortaqarmat ajornartorsiuteqarmallu nalilersueqqittoqartariaqartoq, taanna isumaqarpoq.

Kommunini qanimut oqartussaaneq pingaaruteqartoq, Peter Olsenip pingaaruteqartutut isigigaluaraa ilinniartitsisussaaleqineq eqqarsaatigalugu Naalakkersuisut kommunillu akornanni qanimut suleqatigiittoqarnissaa ammaffigalugu oqaatigaa.

- Atorfinitsitsisarneq eqqarsaatigalugu nalilersueqqinnissaq immaqa pisariaqalersimavoq. Kommunini qanimut oqartussaaqqataaneq pingaaruteqartorujussuumat taanna eqqaamasariaqarparput. Kommunit ajornartorsiuteqarunik saaffiginnillik taava oqaloqatigiisaagut, Peter Olsen (IA) Sermitsiaq.AG-imut oqarpoq.

LÆS OGSÅ: IMAK: Kommunit kajungerilersitsinissamut annertunerusumik suliniuteqartariaqarput

Ilinniartitsisut atorfinitsinneqartarnerisa eqqarsaatigalugu kommunit akisussaaffik 2002-mi tiguaat. Siuliani Namminersorlutik Oqartussaniit ilinniartitsisut atorfinitsinneqartarnerat isumagineqartarpoq, sumiiffinnilu ilinniartitsisut amigaatigineqarneri aallaavigalugit atorfinitsitsisoqartarluni. 

- Neriuppunga ilinniartitsisussaaleqineq eqqarsaatigalugu piffissaagallartoq ajornartorsiutaasoq. Kommunit namminneerlutik qaangersinnaalerumaaraat neriuutigaara. Ajornarorsiuteqarunik neriuppunga arlaatigut uagutsinnut saaffiginnissuteqarumaartut, taava oqaloqatigiissutigissavagut, Ilinniartitaanermut Naalakkersuisoq oqarpoq. 

Ilinniartitsisussaaleqinerup sanitigut atuarfiit ingerlanneqarnerisa ajunngitsutut Naalakkersuisup ililerpaa.

Isumasioqatigiinnissamut qaaqqusissaaq

Ilinniartitaanermut susassaqartut tamaasa ukiup tulliani isumasioqatigiissinneqarnissaanut Ilinniartitaanermut Naalakkersuisoq qaaqqusiniarpoq. 

- Siullermi taanna novembarimi pinissaa pilersaarutigigaluarpara. IMAK, atuarfiit, kommunit ilinniartitaanermullu ataatsimiititaliaq peqataanissaat pingaartippara. Taamaammat ukiup tullianut kinguartinneqarpoq maannalu pilersaarusiorneq ingerlanneqarluni, Ilinniartitaanermut Naalakkersuisoq oqarpoq. 

Kommune Kujallermi ilinniartitsisussaaleqineq ulluinnarsiutaavoq. Ilinniartitsisut sulinerminni qaangiuttoortariaqartarput ilinniartitsisut qulingiluat amigaatigineqartit tiimiissa matussuserniarlugit.

- Atuarfiit qanoruna pitsanngorsaaffiginiaripput? Arlaatigut pinngitsoorata atuarfik pillugu qanoruna ingerlariaqqissasugut? Tamakkua pillugit susassaqartut oqallisigeqatigerusuppakka, Peter Olsen oqarpoq.

Nuna tamakkerlugu ilitsersuisarnermi iliuusissanik periusissiorneq

Naak inuusuttunut suliffeqanngitsunut ilinniagaqanngitsunullu Majoriaq ullumikkut aqqutsissiuisuugaluartoq Ilinniartitaanermut Naalakkersuisoq inatsisissanik siunnersuutinik marlunnik siunnersuuteqarpoq. Siunnersuutit ilaatigut atuartitsinermi atuartut amerlassusaat ikiuinermilu attaveqarfissat siunnersuummi ilaapput. 

LÆS OGSÅ: Siumut ilinniartitsisussaaleqineq pillugu: Utoqqalinersiuteqalertussanut immikkut nutaamik isumaqatigiissusioritsi

Taassuma saniatigut nuna tamakkerlugu ilitsersuisarnermi iliuusissanik periusissiornissaq, tassa inuusuttut ilinniagaqarnissaanut ilinniartoqarfiup pitsaanerusumik ilitsersorneqartalernissaat siunnersuutigineqarpoq. 

Inatsisissatut siunnersuutit tamarmik novembarip aallartinnerani pingasussaaneerneqassapput. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER