Skip to main content

Naalakkersuisoqatigiit aamma D: Løkkep millioniutai akueriniarlugit isumaqatigiittut

Aamma Tasiilami, Uummannami, Qeqertarsuarmi, Qasigiannguani, Kangaatsiami, Narsami, Nanortalimmi aamma Ittoqqortoormiini mittarfinnut periarfissat misissorniarpaat.

Sapaatip-akunneri pingasut matuma siorna Lars Løkke Rasmussenip (V) aamma Kim Kielsenip (S) akornanni isumaqatigiissut naalakkersuisoqatigiinnut avissaartitsisuuvoq.

Partii Naleqqap saniatigut aamma Inuit Ataqatigiit kiisalu Siumup immikkoortuisa ilaasa isumaqatigiissutip atsiorneqarnissaanut periuserineqartoq isornartorsiornikuuaat.

Kisianni maanna Kim Kielsenip (S) isumaqatigiissut Inatsisartuni akueritinniarlugu tunuliaquttani eqqissitissimavai. Naalakkersuisut ikinnerussuteqartut aamma Demokraatit isumaqatigiissutigisaanni, ippassaq atsiorneqartumi tamanna atuarneqarsinnaavoq.

- Mittarfissuarnik sanaartornissamut pilersaarutip aammalu ilanngullugu mittarfissuit sanaartornissaannut il. il. aningaasalersuinissaq pillugu Naalakkersuisut Siulittaasuata Kim Kielsenip Danskillu Naalakkersuisusa siulittaasuata Lars Løkke Rasmussenip isumaqatigiissutaata UKA2018-imi Inatsisartunit akuersissutigineqarnissaa Isumaqatigiissuteqartut sulissutiginiarpaat, isumaqatigiissummi tamanna allaqqavoq.

Kangerlussuup aamma Narsarsuup qanoq pineqarnissaanik apeqqut isumaqatigiissummi taaneqanngilaq. Kisianni ippassaq tusagassiortunik katersortitsinermi Demokraatit siulittaasuata, Niels Thomsenip, attatiinnarneqarnissaannut partii akuersinnaasoq oqariartuuteqarpoq,

Tamatuma saniatigut aamma Tasiilami, Uummannami, Qeqertarsuarmi, Qasigiannguani, Kangaatsiami, Narsami, Nanortalimmi aamma Ittoqqortoormiini mittarfinnut periarfissat misissorniarpaat.

Kangerlussuup aamma Sisimiut akornanni aqqusinniornissamut Qeqqata Kommunia oqaloqatigineqassaaq.

Isumaqatigiissut tamaat uani atuarsinnaavat kalaallisut imaluunniit qallunaatut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER