Naalakkersuisoqatigiinnissamut isumaqatigiissut: Naalakkersuisut nunanut allanut sillimaniarnermut politikkimut akisussaasuussapput
Tunngaviusumik inatsisip Nunarput tamatuminnga piginnaatilissavaa
Namminiilivinnissaq aamma tunngaviusumik inatsimmik suliaqarneq pillugit apeqqutinik naalakkersuisoqatigiit isumaqatigiissutaanni 40-nik qupperneqartumi inituallaanngilaq. Kisianni misissorluariaraanni apeqqummut tunngasunik nassaartoqarsinnaavoq. Ilaatigut nunanut allanut aamma naalagaaffiup isumannaatsuunissaanik politikkimut immikkoortuni nassaartoqarsinnaavoq.
- Nunatta tunngaviusumik inatsisitaassaani ilanngullugu aalajangersarneqassaaq nunatta nunanut allanut tunngasutigut illersornissamullu tunngasutigut aqunneqarnerata Naalakkersuisunit akisussaaffigineqalernissaat, isumaqatigiissummi tamanna allaqqavoq.
Tassani tunngaviusumik inatsisissaq namminiilivinnissaq sioqqullugu atuuttuussanersoq imaluunniit tunngaviusumik inatsit Kalaallit Nunaata namminiilivinnerani atuuttuussanersoq erseqqissumik allaqqanngilaq. Kisianni immikkoortup siuliani naqissuserneqarpoq:
- Nunatta namminersulivinnissaata tungaanut Danmarkimi Naalakkersuisooqatigiit suleqatigalugit oqartussaaqataanerup annertusiartuaartinneqarnissaa sulissutigineqartuassaaq. Nunatta Namminersorluni Oqartussaanera tunngavigalugu nunatsinni oqartussaasut nunatta namminerisaminik tunngaviusumik inatsiseqalernissaa ukiuni tulliuttuni suliarissavaat.
Nammineq illersornissaqarneq
Nunatta killeqarfiata iluani nakkutilliisoqarnikkut ingerlatsinermi tamakkiisumik Naalakkersuisut oqartussaalernissaat sulissutigineqassaaq.
- Nunatta innuttaminit illersorneqartarnissaa pillugu suliavut ingerlateqqissavagut, nammineq erfalasutta ataani ingerlanneqartunngorlugu. Kalaallit inuusuttut inersimasullu nunatta illersornissaanik suliaqarusuttut sapinngitsullu atorluarneqarnerusariaqarput, aalisarnermik nakkutilliinermi, Sirius Patruljemilu peqataanerunissaat aqqutissiuullugu.
- Taamaammat killeqarfitsinni nakkutilliisussatut ilinniartitaasarnerit aaqqissuulluagaasut pilersinnissaat Naalakkersuisooqatigiit sulissutiginiarpaat.
Nuna naalagaaffittut namminersortutut NATO-mi ilaasortaassasoq, tassani naqissuserneqarpoq.
Læs hele sagen:
-
Snævert flertal bag kommende koalition
-
Koalitionsaftalen er underskrevet
-
Se præsentationen af koalitionen her
-
Aalisarnermut inatsit naapeqatigiissutigineqarsinnaasumik suliarineqassaaq
-
Nationalt kompromis om fiskerilov
-
Naammagisimaarinnilluarpunga
-
Jeg er meget tilfreds
-
Siumumi isumaqatigiinninnerit unissimassasut neriuutigaarput
-
Naalakkersuisoqatigiit uani ilisartinneqarput
-
Her bliver koalitionen præsenteret