Naalakkersuisoqatigiinnissamut isumaqatigiissut tamanit allaaneq: Naligiinnginneq unitsinneqassaaq
Hans Enoksen, Naleqqap siulittaasua, naalakkersuisoqatigiilernissamut qilanaarpoq. Aalisarnermut inatsisissap amerlanerusunut siaarneqarnissaata ilaatigut isumaqatigissutigineqarnera pillugu.
Kultoorikkut illorsuaq Katuaq persuarsiorpalaartumik atsioqatigiittoqarnissaanut pinnersarneqarsimavoq. Inuit assuffattut qungujulaartullu sumi tamani takussaapput.
Naqqup qeqqaniippoq qulleq, siulitta qulliat, kikkut tamamik avatangerlugu katersuuffigisaat, nalunaarniarlugulusooq sumik pingaarutilimmik pisoqalermat, aviisi AG allappoq.
Avanersuarmiup Tukummeq Qaavikkap naalakkersuisut siulittaasussaattut inassutigineqartussap Múte B. Eedep pania Kuluk peqatigalugu qulleq kikkut tamarmik nipaallisimaneranni ikippaat. Taamaalitsianngitsoq qilaat tussunngunaqisumik katuarneqalerpoq, Leif Saandvig Immanuelsenimit.
Naalakkersuisunngortitsiniarluni isumaqatigiinniartut siuttuat Inuit Ataqatigiinneersoq Múte B. Egede tappika inuit saallugit issiavoq, naalakkersuisoqatigiinni partiip suleqatigisassami siuttua Naleqqameersoq Hans Enoksen isumaqatigiissuteqarfiginiarlugu atsiornissamut piareersimalluni.
Isumaqatiginninniarnerit
Naalakkersuisoqatigiinneq avissaartuuffiunngitsoq ataatsimoorfiusorli qitiutinneqassasoq naalakkersuisoqatigiinniarlutik atsioqatigiittut malunnartummik attortisimaqisut inersuarmi katersorsimasunut radiokkut tv-kku malinnaasunut tamanut pingaarnertut oqariartuutigaat. Naalakkersuisoqatigiilersussat isumaqatigiissutaat qulequtserneqarsimavoq: Nammaqatigiinneq, patajaassuseq, siuariartorneq.
- Isumaqatigiinniarnerit eqqissilluni torersumik aamma qanilaartumik ingerlassimavavut, anneruniuttornani paasissutissanillu paarlaasseqatigiinnissaq pingaarnerutissimavavut. Inissisimanerput atornerlunneqanngilaq aamma pinngitsaaliniarneqanngilavut, Naleqqap siulittaasua Hans Enoksen AG-mut oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: