Naalakkersuisoqatigiinnissamut isumaqatigiissut aajuna
Inuussutissarsiornikkut ineriartortitsineq, aalisarneq, ilinniartitaaneq aamma tunngaviusumik inatsimmik suliaqarneq, naalakkersuisoqatigiinnissamut isumaqatigiissummi sammisat taakkartorneqartut ilagaat.
Annonce
Naalakkersuisoqatigiinnissamut isumaqatigiissutaat siulianit naannerujussuugaluartoq, partiit naalakkersuisoqatigiilertut apeqquterpassuarnik suliaqarniarlutik neriorsuipput.
Anguniakkat pingaarnerit saniatigut, uku neriorsuutigineqarput:
- Atuartitaanikkut ilinniartitaanikkullu aaqqissuusseqqinneq ingerlanneqassaaq
- Piorsarsimassutsikkut nukittorsaaneq ingerlateqqinneqassaaq
- Inunnik isumaginninnikut sullissineq pitsanngorsarneqassaaq
- Innarluutillit pillugit inatsisissaq naammassineqassaaq
- Peqqinnissakkut sullissineq pitsanngorsarneqassaaq
- Ineqarnikkut aaqqissuusseqqinneq suliarineqassaaq
- Aalisarneq pillugu inatsit naammassillugu suliarineqassaaq
- Aallaaniarneq piniarnerlu pillugit inatsit nutarterneqassaaq
- Illoqarfinni nunaqarfinnilu tunisassiorfeqarneq piorsaqqinneqassaaq
- Inuussutissalerineq pillugu inatsit nunatsinnut naleqqussarneqassaaq
- Inuiaqatigiinnut akuulersitsineq pillugu inatsiseqalissaagut
- Sulisoqarneq pillugu inatsisitigut aaqqissuusseqqinnissaq
- Niuerneq niueqatigiinnerlu pillugit inatsisitigut naleqqussaanissaq
- Akileraarutit, akitsuutit, iluanaarusiisarnerlu pillugit inatsisitigut naleqqussaanissaq
- Qinersisarneq pillugu inatsit naleqqussarneqassaaq
- Akisussaaffiit naalagaaffimmiit tigusassavut pillugit tulleriiaarissaagut
- Tunngaviusumik inatsisissaq pillugu suliat ingerlateqqissavagut.
- Avatangiisit pillugit aningaasaateqarfik pilersinneqassaaq
Naalakkersuisoqatigiinnermut isumaqatigiissut tamaat uani atuarsinnaavat kalaallisut aamma qallunaatut.