Naalakkersuisoqatigiilersut namminersulernissaq naligiinnerulernissarlu pingaartippaat

Naalakkersuisooqatigiilersut Siumut, Inuit Ataqatigiit aamma Partii Naleraq isummat tunngavigisaat qularutissaanngillat: Namminersulivinneq aamma inuiaqatigiinni naligiinnerulerneq.

Atuaruk: Siumut IA aamma Partii Naleraq naalakkersuisoqatigiilerput

Naalakkersuisooqatigiinnermi nutaami 'Naligiinneq, Toqqissisimaneq, Ineriartorneq' qulequtaralugu tunngaviusussat sammisat taakku imarineqassasut naatsorsuutaapput.

Nuna ataatsimoortoq
- Kalaallit Nunaat allanngortinneqarsinnaanngitsumik namminiivikkiartorpoq aammalu taamatut ingerlaneq naalakkersuinikkut patajaatsumik ingerlatsiviusariaqarpoq, nunalu tamakkerlugu ataatsimoornissaq pisariaqalerluni. Namminiilivinnissap tungaanut sulineq aatsaat pitsaanerpaamik sapinngisamik siammasinnerpaamik katersuuffiunerpaasumillu naalakkersuisooqatigiinnikkut anguneqarsinnaavoq, isumaqatigiissummi tamanna atuarneqarsinnaavoq.

Atuaruk: Naalakkersuisunut ilaasortat nutaat aajuku

Namminersorneq pillugu nutaamik immikkut ittumik Naalakkersuisoqarfeqalerpoq, taannalu Suka K. Frederiksenimit akisussaaffigineqalerpoq.

2003-mili Naalakkersuisunut ilaasortaq aatsaat taama ittumik akisussaaffeqalerpoq. Taamani Jørgen Wæver Johansen namminersorneq akisussaaffimi ilagaat.

Atuaruk: D aamma A anereerlutik: Siumut ilumini ajornartorsiorluni akerleriiffiuvoq

Tunngaviusumik
Inuiaqatigiit ineriartornerannut tunngatillugu assigiinneq tunngaviusumik pingaaruteqarpoq, partiit taama naqissusiipput.

- Atsiortut isumaqatigiissutigaat akileraartarnerup, ineqaernerup aammalu pisortanit ikiorsiissutiqartarneruo tungaatigut iluarsartuussinissat pisariaqartinneqartut pillugit ersarissumik sinaakkusersuisoqassasoq, iluarsartuussinernilu pineqartuni naligiinnerusumik anguniagaqarneq tunngaviussasoq.

Atuaruk: Naalakkersuisooqatigiilersut uranimut aalajangiinissaq kinguartippaat

Nunaqarfiit ilaasut
Inuiaqatigiit ineriartornerannut tunngatillugu, nunaqarfiit qitiusumik aamma inissisimassapput.

- Nunaqarfiit namminneq aalajangiisinnaanerat nukittorsarneqassaaq, nunaqarfiit aamma kommunit kattunneqarnerannut nalilersueqataassapput, taamatallu nunaqarfiit siunissami aalajangiiffissanut annertuumik aalajangeeqataasassapput, tamanna isumaqatigiissummi allaqqavoq.

Atuaruk: Angallannermut tunngatillugu ajorseriarnerit peerneqartut

Naalakkersuisooqatigiinnermut isumaqatigiissut allaaserisap talerpiata tungaani atuaruk