Skip to main content

Naalakkersuisoqatigiilersussat akisussaaffiit Nunatsinnut angerlaassassat isumaqatigiinniutigissavaat

Namminersorluni oqartussaanermut inatsisip 2009-meersup piviusunngortinneqarnissaa partiit assigiinngeqisunik pilersaaruteqarfigaat.

Namminersornermut inatsimmi Nalunaarsukkat I suliassanik Kalaallit Nunaata ingerlaannaq tigusinnaasanik imaqarpoq, Nalunaarsukkallu II suliassanik Kalaallit Nunaata Danmark isumaqatigiinniarfigeriarlugu tigusinnaasaanik imaqarluni..

Nalunaarsukkat I

a) Sulisilluni ajoqusernissamut sillimaneq

b) Peqqinnissamut tunngasut sinneri

c) Angallanneq

d) Pigisat pillugit inatsisit

e) Aqqartartoqarneq

Nalunaarsukkat II

Oqartussaaffiit 28-t nalunaarsorneqarsimasut sapaatip akunnerani matumani Sermitsiami atuakkit, taakku ilanngutassiap naggataani pisiaralugit iserfigisinnaavatit. 

(Najoqqutaq: Namminersornermut inatsit).

Qineqqusaarnermi namminiilivinnissaq sammineqaqaaq, taamaattorli namminersorluni
oqartussaaneq ukiuni aqqaneq-marlunni atuutereersoq suli naammassiniagassaqarpoq,
tassaasunik akisussaaffiit Danmarkimit ingerlanneqartut, Kalaallit Nunaannut suli
angerlaanneqanngitsut. Namminersorluni oqartussaanermut inatsisimmi akisussaaffiit
aalajangersimasut 33-t taaneqarput, maannamulli taamaallaat aatsitassanut tunngasut
aamma sullivinni avatangiisinut tungasut affaat angerlaanneqarlutik. Tamanna 2010-mili
pivoq, taamanimiilli namminersorlutik oqartussaanerup qamutai ikiorneqarsinnaanatik
unittuuissimapput. Siumut taamaalilluni, 2013-imit 2021-mut naalakkersuisoqatigiinni
siuttuusarnermini, akisussaaffimmik angerlaassiniarluni misiliisimanngisaannarpoq.

Taamaattumik namminersorluni oqartussaanerup namminersornerulluni oqartussaanermut
taartaasussatut siunertarineqarnerata piviusunngortinneqarnissaa, marlunngormat
qinersinerup kingorna naalakkersuisoqatigiinnik pilersitsiniarluni isumaqatigiinniarnerni
maanna aallartereersuni oqaluuserisanut pingaarutilinnut ilanngunneqartariaqarpoq.

Partiit qineqqusaarnermi neriorsuuterpassuarnik saqqummiussuipput,
kissaatiginerpaasamittulli angerlaanneqartussanik aalajangersimasunik
taasaqarusuppallaaratik. Tamatuma akerlianik aarlalinnik siunnersuuteqartoqarpoq apeqqut
pineqartoq uninngatikkallarneqarluni tamakkiisumik pilersaarusianut,
isumalioqatigiissitanut aningaasaqaateqarfinnullu suliassanngortinneqassasoq –
minnerunngitsumillu naammattumik sivisussusilimmik utaqqisinnaassuseqartoqassasoq.

Partiit akisussaaffinnut angerlaanneqartussanut 32-usunut assigiinngitsunik
isumaqarnerannut peqatigitillugu naalakkersuisoqatigiinngortussani suleqatigiinnissamut
periarfissanik ersersitsivoq.

Ilanngutassiaq tamaat aamma qinersinermi allarpassuit aviisimi Sermitsiami atuakkit. Iserfigisinnaavat ugguuna: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER