Skip to main content

Naalakkersuisoqarfiup Polar Seafood iliuuseqaqqugaa

Avatangiisinut Naalakkersuisoqarfik juulip aappaani Polar Seafoodimut allamik peqqussuteqarsimavoq, tassa Polar Aassik Qasigiannguit imartaani kiveqqasoq mingutsitsinnginnissaanik qulakkeerinneqqussimavaa.

Polar Seafoodip naalakkersuisoqarfip apriilip qaammataa naalersoq peqqussutaa, maajip qaammataa naalersoq naammagittaalliuutigaa, taamaammat Avatangiisit Illersorneqarnissaat pillugu Naammagittaalliortarfiup suliaq pillugu oqaaseqarnissaanut peqqussutip isumagineqarnissaa kinguartinneqarsimavoq.

Avatangiinut Naalakkersuisoqarfik tamatuma malitsigisaanik juulip aappaani aalajangersimavoq, naammagittaalliortoqaraluarpalluunniit malinneqartussamik ilassutitut peqqussuteqarniarluni.

Uppernarsaatit amigartut

- Oqartussanit nalilerneqarpoq, naammagittaalliuutigineqartut maannamut naammaginartumik uppernarsarsinnaasimanngikkaat, mingutsitsisoqarsinnaaneranut tunngavissaqanngitsoq, imaluunniit uulia angallammiit peerneqarsinnaanngitsoq, imaluunniit saliinermi ulorianaataasinnaasut - teknologi atorneqarsinnaasoq pitsaanerpaaq atorneqaraluarpalluunniit - avatangiisinik mianerinninnissamut naapertuutinngitsut, avatangiisinut naalakkersuisoqarfimmi pisortaq Mette Skarregaard Pedersen Sermitsiaq.AG-mut ilisimatitsivoq.

Naalakkersuisoqarfimmi pisortap ilisimatitsissutigaa, naalakkersuisoqarfip apriili 20-ani peqqussutigisani attatiinnaraa, taamaatooq iliuuseqarnissamut ulluliussaq sivitsorneqarsimasoq, ”aamma Naalakkersuisoqarfiup ilassutitut peqqussutigisimavaa, Polar Aassik imartamiit peerneqavissasoq”.

Allatut aaqqiissuteqarsinnaaneq

-  Polar Seafood Greenland A/S-ip uppernarsarsinnaappagu, angallatip qaqinneqarnissaa ajornavissoq, imaluunniit qaqitsiniarneq - teknologi atorneqarsinnaasoq pitsaanerpaaq atorneqaraluarpalluunniit - avatangiisinik mianerinninnissamut naapertuutinngitsoq, taava Polar Seafood Greenland peqquneqassaaq, allatut uppernarsarneqarsinnaasumik angallat/uulia poorlugit aniasoqaqqinnginnissaanik/mingutsitsisoqaqqinnginnissaanik qulakkeerinneqqullugu imaluunniit allatut iliuuseqarluni Polar Assik ajoqutaasinnaajunnaartissagaa, naalakkersuisoqarfimmi pisortaq ilisimatitsivoq, oqaatigalugulu peqqussut kingusinnerpaamik oktobarip 31-ani isumagineqareersimassasoq.

Polar Seafood Greenland aamma peqquneqarsimavoq, aggustip 15-iat nallertinnagu, ingerlatseqatigiiffik peqqussummik qanoq naammassinnissinnaanerminut pilersaarummik nassiussissasoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER