Naalakkersuisoqarfimmi pisortanngortussaq: Atorfeqartut sivisunerulaartumik atorfeqartartikkusukkai
Hans-Peder Barlach Christensenip Namminersorlutik Oqartussani sulisut taarseraannerujussuisa unitsinnissaat suliassamisut pingaarnertut isigaa. Naalakkersuisut Siulittaasoqarfiani juunip aqqaneq-aappaanni pisortanngussaaq.
Hans-Peder Barlach Christensen atorfilittatut qaffasinnerpaatut atorfeqaleruni Namminersorlutik Oqartussani atorfillit taarseraannerujussuisa unitsinniarnissaat, suliassatut pingaarnerit ilaattut taava.
AG-mit apersorneqarami taama oqaluttuarpoq.
Namminersorlutik Oqartussani atorfillit ukiup affaa ukiorluunniit iluitsoq atorfeqareeraangamik soraartarnerat akulikippoq.
Taarseraannerujussuarlu inuiaqatigiinnut akisuvoq. Tamatigut ilisimasat oqaluttuarisaanermilu pisunik ilisimasat annaaneqartarput, nutaanillu atorfinitsitsiniaanerit akisusarlutik.
- Suleriaatsinik qanorlu artukkiitiginerannik misissuissaagut. Pisunilu ataasiakkaani inunnik qanoq pinnittarnitsinnik. Anguniarneqartussaq tassaavoq piffissap atorfeqarfiusup agguaqatigiissillugu sivisussaata qaffatsinnissaaq, H-P Barlach Christensen oqarpoq, ilassuteqarlunilu, sulisut ukiup affaanik imaluunniit qaammatinik qulingiluanik sivisunerusumik sulisinneqaannarsinnaappataluunniit tamanna piffissap atorfeqarfiusup marloriaatinngornipajaarissagaa.
Hans-Peder Barlach Christensenip apersorneqarneranut allaaserisaq tamakkiisoq AG-mi atuarsinnaavat. Apersorneqarnermini ilanngullugu qanoq aqutseriaaseqarneq, oqaatsit paninilu tulluusimaarutigingaakkani aamma oqaluttuarai: