Naalakkersuisoqarfik: Qaqortumi mittarfik tamakkiisumik aningaasalerneqareerpoq
Qaqortumi mittarfiup aningaasaliiffigineqarnissaanut nunap karsianit aningaasaliinissamut piginnaatinneqartut, Ineqarnermut Attaveqarneqarnermullu Naalakkersuisoqarfik taama allappoq.
Qaqortumi mittarfik tamakkiisumik aningaasaliiffigineqarpoq, tusagassiuutinut nalunaarummi Ineqarnermut Attaveqarnermullu Naalakkersuisoqarfiup nassiussaani tamanna allaqqavoq.
Naalakkersuisoqarfik taamaalilluni Aaja Chemnitz Larsenip (IA) oqaaseqaataanut, USA-p Qaqortumi mittarfimmut aningaasaliinissaa ilimanarsinnaasoq, taassuma nalilerpaat.
- Illersornissaqarfiup Kangerlussuarmik atuiinnarsinnaanera pillugu tunngaviusumik isumaqatigiissut atsiorneqareermat, Amerikamiut aningaasaliissuteqarnissaat pisariaaruppoq, Aaja Chemnitz Larsen (IA), Sermitsiaq.AG-mut taama oqarpoq.
- Akerlianik timmisartoqarfissanut nutaanut pingasunut aningaasaliissuteqarsinnaaneq periarfissaavoq. Tassunga atatillugu isumaqarpunga, Qaqortumi timmisartoqarfissamut aningaasaliissuteqarnissaq ilimanarnerusoq, timmisartoqarfissamummi tassunga suli aningaasaliissuteqartoqanngimmat.
Ineqarnermut Attaveqarnermullu Naalakkersuisoqarfik tamatumunnga ima oqaaseqarpoq:
- Allaaserisami allassimavoq Qaqortumi mittarfissaq aningaasaliiffigineqanngitsoq. Tamanna ilumuunngilaq. Qaqortumi mittarfissaq Nunap Karsianit tamakkiisumik aningaasalersorneqarpoq, aammalu 2,1 mia. koruuniusuni taakkunani Naalakkersuisut Kalaallit Airports Holding A/S-imut aningaasaliinissamut piginnaatinneqarput, tak. Nuummi aamma Ilulissani nunanit tamalaanit mittarfiit kiisalu Qaqortumi nunap immikkoortuani mittarfiup sananeqarnissaannut, ingerlanneqarnissaannut aningaasalersorneqarnissaannullu killiliussatut piumasaqaatit pillugit Inatsisartut inatsisaat nr. 4, 22. november 2018-imeersoq.