Naalakkersuisoqarfik: Piniartut piniarnerminni pissuserissaartanngillat
Sisimiut Maniitsullu eqqaanni qaqortanik qernertanillu qilaluarniartarnermut tunngatillugu Piniarnermut Naalakkersuisoqarfik malittarisassanik saqqummiussisariaqalersimavoq.
Qilalukkap qaqortap mattaa mamarineqaqaaq, qilalukkalli qaqortap neqaa qimaannarlugu mattaanik taamaallaat angerlaatassisarneq inerteqqutaavoq. Nerineqarsinnaasut tamarmik angerlaanneqartassasut, nalunaarummi allassimavoq.
Naalakkersuisoqarfik ilisimatinneqarsimavoq qaqortanik qilalugarniarnermi mattaannai kisimik piniarfimmiit pilaffimmiillu tiguneqartartut.
Malittarisassat malinneqassapput
- Naalakkersuisoqarfimmit piumasarineqarpoq, qaqortanik qernertanillu qilalugarniartarnermut ataitllugu nalunaarummi aalajangersakkat malinneqartassasut, tusagassiorfinnut nalunaarummi allassimavoq.
Nalunaarummi paragraf 19 imatut imaqarpoq:
- Qilalugaq nunamut sikumulluunniit qaqiinnavillugu pilanneq aallartinneqassaaq. Nerisassartai atorneqarsinnaasullu allat tamarmik angerlaanneqarlutilluunnit qimatulineqassapput. Pilaffiusimasoq perlukuiarneqarsimassaaq.