Skip to main content

Naalakkersuisoqarfik suli pisortassarsiortoq

Peqqissutsimut Naalakkersuisoqarfimmi pisortassarsiortoqarnerani siullermi qinnuteqarsimasut ikippallaaqimmata Tine Parsip taartissaanik suli pissarsisoqanngilaq.

Peqqissutsimut Naalakkersuisoqarfimmi pisortatut atorfik januaarip qaammataani inuttassarsiuunneqarpoq, tassanilu atuarneqarsinnaavoq naalakkersuisoqarfimmi taamanikkut pisortaasoq Tine Pars atorfimmini ingerlaqqinnianngitsoq.

Tine Pars 2017-imi apriilip aallaqqaatani pisortanngorpoq, ukiunilu sisamani pisortatut atorfinitsinneqarluni.

Naalakkersuisut Siulittaasuata Naalakkersuisoqarfia pisortamik nutaamik atorfinitsitsisussaavoq, tassungalu atatillugu naalakkersuisoqarfimmi pisortap Hans-Peder Barlach Christensenip ilisimatitsissutigaa, qinnuteqarsimasut ikippallaarnerat pissutigalugu atorfik inuttassarsiuuteqqinneqartoq.

Inuttassarsiuussinerli suli tamanut saqqummiunneqanngilaq, aasaanerani sulinngiffeqarnissap qallinera pissutigalugu.

Inuttassarsiuussinermi siullermi allassimavoq, naalakkersuisoqarfimmi pisortassap nutaap COVID-19-imik isumaginnissinnaaneq qitiusutut suliassarigaa.

Maannakkorpiaq naalakkersuisoqarfimmi pisortaagallartumik sulisoqarpoq, Hans-Peder Barlach Christensenillu ilisimatitsissutigaa, atorfiup inuttalerneqarsimannginnera coronamik isumaginninnermut kinguneqaateqanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER