Skip to main content

Naalakkersuisoq: Oqaaseq nakkarsaanerullunilu tamanut atortutut isumaqartitsivoq

Sapaatip-akunnerata siuliani Kultureqarnermut Naalakkersuisoq Doris J. Jensen Danmarkimi kulturimut ministeri 'grønlænderstiv' ordbogiannut ilanngunneqarnera pillugu allaffigaa.

Ilinniartitaanermut, Kultureqarnermut, Ilisimatusarnermut ilageeqarnermullu Naalakkersuisoq Doris J. Jensen (S) ajuusarluni Danskit Kulturimut Ministeriat Mette Bock allaffigaa oqaaseq ‘grønlænderstiv’ Danskit ordbogiannut ilanngunneqarnera pillugu.

Doris J. Jensenip tikkuarpaa ilaatigut erseqqissarlugu oqaaseq sakkortuumik nakkarsaanerummat:

- Oqaaseq ’grønlænderstiv’, tallimanngorneq ulloq 10. november Danskit ordbogiannut ilanngunneqartoq, tamanut atortutut isumaqartitsisoq Kalaallillu Nunaanni innuttaasut amerlaqisut akornanni paasineqarpoq nakkarsaanertut. Isigineqarpoq (racenik allanik nikassaasoq) tassa ammip qalipaataanik immikkoortitsinertut, ordbogimut ilanngunneqarneratigut akuerisassanngortoq. Aamma isigineqarpoq allanik nakkarsaaneq immikkoortitsinerlu inatsisitigut akuerisaasoq, Doris Jensen Mette Bockimut allappoq.

Atuaruk: Grønlænderstiv imaluunniit danskerflov

Tamatuma kinguneranik naalakkersuisoqataata danskip Naalakkersuisoq Doris J. Jensenip allakkatigut illerlugu akivaa, taamatut nakkarsaasumik oqalunnerit asissuinerillu piffissami qaangiutereersumut atasuusut, Namminersorlutik Oqartussat allapput.

- Kulturimut ministeri Mette Bock oqaaseq atorneqartoq aammma oqaatsip ’grønlænderstiv’-p tusagassiuutini sammineqarnera nuannarinagu sakkortuumik akerliunini oqaatigaa, Namminersorlutik Oqartussat nalunaaruteqarput.

Naalakkersuisoq Doris J. Jensen nuannaarpoq taamatut Danskit ministeriannit taperserneqarami ataatigullu naqissuserlugu:

- Ilumut, asissuinerit nakkarsaanerillu qanga pereersunut ilaapput, siumut qilanaaraara ataatsimut Kulturimut ministeri Mette Bock peqatigalugu suleqatigiilluta asissuinerit nungunniarlugit akiorumaarivut, Doris J. Jensen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER