Naalakkersuisoq nutaaq
Jens-Frederik Nielsen partiimi allaffimmi issiareerluni maanna Naalakkersuisup issiavianut ingissinnaanngulerpoq.
Jens-Frederik Nielsen sulorarnerup silarsuaani ilisimaneqarluartoq Demokraatit allaffiani ulluinnarni suliaqartuuvoq.
Jens-Frederik Nielsen 29-nik ukiulik, Ilisimatusarfimmi inuiaqatigiilerinermik ilinniarsimavoq Nuummeersuullunilu. Anika Brandt Sørensen aapparaa, katillugit marlunnik meeraqarlutik.
Timersornermit politikkimut
Sulorarnermi ukiuni kingullerni angusai pitsaasuupput. Island Gamesimi doublemi kuultinnassimavoq, ukiup timersortartuatut taaneqarsimavoq, nunatsinnilu sulorarnermi pissartanngorniunnermi pingasoriarluni pissartanngorsimalluni.
Sulorartartutut nunarsuarmi pitsaanerit tulleriaarneranni pitsaaneruleriartorsimavoq, nunarsuarmilu pitsaanerpaat 350-it ilaanni inissisimalerusulluni oqarsimalluni. Maanna nunarsuarmi pitsaanerit 647-mi inissisimavoq.
Naalakkersuisutut inuussutissarsiornermut aatsitassanullu naalakkersuisoqarfimmiissaaq.