Skip to main content

Naalakkersuisoq nipisattassiissutit pillugit suliami matoqqasumik ingerlatsinermut oqaaseqarusunngitsoq

Nipisattassiissutinik qaffaasimaneq pillugu suliaq ataatsimiititaliami Kammeradvokatimilu suli matoqqasumik ingerlanneqarpoq. Sermitsiaq.AG-mit paaserusunneqarsimagaluarpoq, sooq Naalakkersuisup pisariaqarsorineraa suliap allanut tusarliunneqannginnissaa - iluatsinngitsumilli.

Inatsisileritooq naapertorlugu, pineqartumut tunngatillugu inatsit ersernerluppoq. Inatsisartut Suleriaasianni aalajangersagaqarpoq (§ 14, imm. 3), ataatsimiititaliap apeqqummut allakkatigut akissuteqaqqusineranut Naalakkersuisut tamatumannga malinninnissaannut pisussaaffiliisumik.

Aalajangersagaq taanna naapertorlugu, Naalakkersuisut ataatsimiititaliap paasissutissanik pissarsisinnaanera taamaallaat killiliiffigisinnavaat, pisortat inuinnaallunniit soqutigisaannit annertunerusumik ataatsimiititaliaq paasisaqarusussappat, akissummut nassuiaatigineqarpoq.

Pineqartumut tunngatillugu tamanna atuuppa?

Apeqqutaqavoq aalajangersagaq atortunik, tassa allagaatinik tunniusseqqusinermut atorneqarsinnaanersoq. Tamanna erseqqissumik paatsuugassaanngitsumillu akineqarsinnaanngilaq, inatsisileritooq naliliivoq.

Aalajangersakkami allagaatit pineqarnersut erseqqissumik allassimanngilaq, aalajangersakkamili ataatsimiititaliap allagaatit imaannik takunninnissamik apeqquteqarneratigut suliaq qulaajaaffigineqarsinnaappat, allagaatinik tunniuserusunnginneq isumaqanngilaq, inatsisileritooq oqarpoq.

Piviusorli tassaavoq, Naalakkersuisut suleriaaseq naapertornagu ataatsimiititaliamut allagaatinik paasissutissanillu tunniussinissamut pisussaaffeqarnerat.

Naalakkersuisut oqaaseqarusunngitsut

Sermitsiaq.AG-mit taamaammat Aalisarnermut, Piniarnermut Nunalerinermullu Naalakkersuisoq Jens Immanuelsen aperineqarsimavoq, soor naalakkersuisut taamaaliorniaratik aalajangersimanersut.

Jens Immanuelsenili suliamut tunngatillugu oqaaseqarusunngilluinnarpoq.

Sermitsiaq.AG maajip aqqaneq-aappaanni ataatsimiinnermi nipisattassiissutinik qaffaasimanermut allagaatinik takunnikkusunnera itigartinneqarsimavoq aamma Kammeradvokatip misissuisimanera pillugu allagaatinik takunnikkusunnera itigartinnqarsimavoq.

Allagaatinik takunnikkusulluni qinnuteqaat itigartinneqarsimavoq, pisortat ingerlatsinerat pillugu inatsimmi allagaatit allat ilaatinneqannginnerat innersuussutigalugu.

Aalisarnermut ataatsimiititaliaq aamma nipisattassiissunik qaffaanissamut isummernissamut tunngavissiamik takunnikkusuttarsimanera pingaasoriarluni itigartinneqarsimavoq.

Allagaatinik takunnissinnaatitaanermut inatsit, tusagassiortut pisortat ingerlatsineranni allagaatinik takunninnissamut qinnuteqarnerminni aamma atortagaat tunngavilersuutigalugu itigartitsisoqartarsimavoq. 

Læs hele sagen:

  1. Naalakkersuisut sætter MSC-certificering over styr
  2. Island har manglet MSC i flere sæsoner
  3. Uenighed om kvoteforøgelse
  4. Jeg har ikke hævet stenbiderkvoten
  5. Kielsen udnytter sin position
  6. Kim Kielsen skal undersøges af lovudvalget
  7. Revisionsudvalget vil undersøge Kielsen
  8. Forklaring om kvoteforhøjelser holder ikke
  9. Ingen er hævet over loven
  10. Inatsit kikkunnut tamanut atuuppoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER