Naalakkersuisoq nalunaarut pillugu: Pisortanit ikiorserneqarsinnaaneq eqqaamallugu

Ilaqutariit meerartallit corona pissutigalugu aningaasaqarnermikkut eqqugaasimasut assigiinngitsutigut ikiorserneqarnissamut qinnuteqarsinnaapput, Naalakkersuisut Meeqqat Illersuisuat nalunaaruteqareersoq taamatut oqarput.

Ilaqutariit aningaasaqarnermikkut tatineqarsimasinnaasarput, meeraasa coronaqalersimanerat pissutigalugu, angajoqqaallu tamanna pissutigalugu mattusimasussaagamik suliartorsinnaasaratik, Meeqqat Illersuisuat aggustimit taamatut nalunaaruteqarpoq.

Meeqqat Illersuisuata tassunga atatillugu kissaatigaa, ilaqutariit coronamik eqqugaasimasut aningaasatigut tarnikkullu ikiorsinneqarnissaat pitsaanerusumik qulakkeernneqartariaqartoq.

Isumaginninnermut Naalakkersuisut isornartorsiummut akissuteqarnermini innersuussutigai suliffeerunnermi ikiorsiissutinik imaluunniit oqartussat ikiorsiissutaannik arlalitsigut ikiorsiisoqarsinnaasoq.

- Kalalalit Nunaanni innuttaasut tamarmik imminnut ilaquttatilluunniit pilersorsinnaaneri pisinnaajunnaarneratigut ikiorserneqarnissaminnut pisinnaatitaapput, Isumaginninnermut Suliffeqarnermullu Naalakkersuisoq Mimi Karlsen (IA) Sermitsiaq.AG-mut oqaaseqaateqarluni allappoq.

Tusaanngamut imaluunniit Corona Hotlinemut sianertoqarsinnaasoq

Mimi Karlsenip oqaatigaa, pingaartumik soorlu coronamik eqqortinnikkut malittarisassat ikiorsiigasuarnermut tunngassut atorneqarsinnaasut.

Ilanngullugu oqaatigaa, tarnikkut ikiorserneqarnissamik pisariaqartitsinermi Tusaannga Corna Hotlineluunniit sianerfigineqarsinnaasut.

Mimi Karlsenip aamma oqaatigaa, oqartussat angerlarsimagallarnissaq piumasarippassuk imaluunniit karantænertariaqarneq innersuussutigippassuk, inuit eqqugaasut taamatut piumaffigineqarnerminnut uppernarsaammik pisinnaasut.

Uppernarsaat taanna napparsimalluni nalunaarnertut isigineqassaaq, sulisitsisumullu tunniunneqarluni.

Suliat kinguaattoorutigineqartartut

Mimi Karlsenip oqaatigaa, tuniluuttoqarnerata kingulliup pisup malitsigisaanik uppernarsaatinik tunniussiniartarneq kinguaattoorfiusimasoq:

- Pisorli maannakkut ajunngitsumik ingerlalernikuuvoq. Ulapaarnerpaaffiup nalaani inuit 15-it uppernarsaammik amigaateqarsimapput, Mimi Karlsen allakkatigut oqaaseqaateqarluni allappoq.

Taassuma ilanngullugu oqaatigaa, allanik suli uppernarsaatinik amigaateqartoqassagaluarpat, amigaateqartut Coronap allattoqarfianut saaffiginnissinnaasut.

Powered by Labrador CMS