Naalakkersuisoq Agathe Fontain 279.000 koruuninik tunisisoq

Ullumi Nunatsinni assigiinngitsunik 26-nik suliniuteqartut nuannersumik tusagassinneqarput, taakku Kalaallit Nunaanni peqqinnerulernissamik suliniuteqartuupput.

Atuaruk: Fontain: Ilulissani hash ajornartorsiutaavoq

Aningaasat 279.000 koruunit suliniutinut assigiinngitsunut 26-nut agguaanneqarput. Aningaasat Aningaasaateqarfimmit Inuunerittaminngaanneersuupput.

Soqutigineqarluartoq

- Nuannaarutigaara aamma ukioq manna Aningaasaateqarfimmut Inuunerittamut qinnuteqarnissamut annertuumik soqutiginnittoqarsimammat. Tamatuma takutippaa nunatsinni peqqinnerulernissamut suliniuteqarusuttut amerlasut, Agathe Fontain oqarpoq nangillunilu:

- Suliniutit assigiinngikkaluaqalutik tamarmik najukkami peqqinnerulernissamut iluaqutissartaqarput, taama oqarpoq Peqqissutsimut Naalakkersuisoq Agathe Fontain.

Meeqqat, inuusuttut ilaqutariillu pingaartinneqarput

Suliniutit meeqqanik, inuusuttunik ilaqutariinnillu ukkassisut ukioq manna salliutinneqarput.

Atuaruk: Demokraatit imigassamik nioqquteqarnerup ammasarneri sivitsortinniarpai

Suliniutit ilaannit tigulaakkat:

• Suliniut TIMIGA, nakorsanngornianit peqqissaasunngornianillu ingerlanneqartoq. Suliniutip siunertaraa ilinniartut innuttaanut orniguttarnissaat, tamatumanilu innuttaasut peqqinneq, nappaatit timillu pisatai pillugit apersuisinnaapput. Aammattaaq TIMIGA paasissutissanik peqqinnarnerusumillu inooriaaseqalernissamut sakkussanik ingerlatitseqqiissaaq nappaatinillu qanoq pinaveersaartitsisinnaanissamut ilisimasanik siammarterissallutik.
• Sisimiuni hashimik cigaretsinillu pujortartarnermik pinaveersaartitsineq. Suliniut inuusuttunik ilinniarfeqarfinnillu soorlu Meeqqat atuarfiannik, GUX-imik aamma KTI-mik – Teknikimik Ilinniarfimmik – ukkassissaaq.
• Paamiuni ikorfartoqatigiit imminut toqunnissamik pitsaaliuinermik ukkassisut. Ikorfartoqatigiit ukioq kingulleq pilersinneqarput sapaatillu-akunneranut ataasiarlutik naapittarlutik.
• Nunaqarfimmi Nutaarmiuni meeqqanut, ullumikkut pinnguartarfeqanngitsunut, pinnguartarfi.

Atuaruk: Malittarisassat aalajangersimasut katsorsaanermut nukittorsaassapput

Suliniuteqaruit Aningaasaateqarfimmulli Inuunerittamut aningaasanik qinnuteqarusullutik, qinnuteqaasiorluarnissannik periarfissaqarluarputit. Tulliani Aningaasaateqarfimmut Inuunerittamut qinnuteqarfissaq kingulleq tassaavoq 1. april 2018.

Hvis du går og har et projekt eller et tiltag, som du gerne vil søge støtte til fra Inuuneritta Puljen, så har du god tid til at finde på en god ansøgning. Næste ansøgningsfrist til Inuuneritta Puljen er nemlig d. 1.april 2018