Skip to main content

Naalakkersuisoq: Aaqqiissutissat akikinnerpaartaat nassaaraarput

Aqqaluaq B. Egede isumaqarpoq, isumaqatigiissutinik atorunnaarsitsineq inuiaqatigiinnut ullumikkornit akisunerujussuusimassagaluartoq

Angallassisartunut isumaqatigiissutaa­reersimasut atorunnaarsinnissaat aalajangiussimagaluarutsigu tamanna inuiaqa­tigiinnut akisoorujussuusimassagaluarpoq, Aningaasaqarnermut Akileraartarnermullu naalakkersuisoq, Aqqaluaq B. Egede, oqar­poq.

Naalakkersuisunit kiffartuussinissamut isumaqatigiissutit atorunnaarsinneqarsimagaluarpata tamanna, Namminersorlutik Oqartussanik eqqartuussivimmut suliassan­ngortitsinerusinnaasut ilanngullugit, nunat­ta karsianut suli 100 millioner koruuninik akeqarsimassagaluartoq Namminersorlutik Oqartussanit tusarfinnit paasisimasa­qar­luartunit isussuutigineqarsimavoq. 

Akisunerusinnaasimasoq
Aq­qaluaq B. Egedep 100 millioner koruunit ilumoornersut ilumuunnginnersulluunniit uppernarsarusunngilaa, attave­qaqatigiinnermut naalakkersuisoq Martha Lund Olsenimulli (S) inner­suussutigalugu, taamaattorli aamma atorunnaarsitsinerup aaqqiissutitut akisoo­rujussuussagaluarnera nassuerutigalugu:

- Isumaqatigiissutinik atsiorneqareersima­ sunik atorunnaarsitsineq suut tamarmik aallaqqaataaneertariaqalernerannik kingu­neqarsimassagaluarpoq, tamannalu inuiaqa­tigiinnut akisoorujussuussagaluarluni.

Unioqqutitsisoqanngitsoq
Inatsisinik unioqqutitsisoqarsimannginnera aamma naqissuserpaa.

- Aaqqiissutissap ullumikkut nassaarisimasatta pitsaasortaraa unammilleqatigiinnermut inatsimmut aamma akerliunnginnera, tamannami aamma eqqarsaatigisussaavarput, erseqqissaavoq.

Allaaserineqartoq Sermitsiami ullumi saqqummersumi atuarneqarsinnaavoq. Aviisi juullerpalaartunik aamma imaqarpoq, uanilu aamma pisiarineqarsinnaalluni:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER