Skip to main content

Naalakkersuisooqatigiit isumaqatigiinngitsut: Siumut akitsuusiinissamik siunnersuummut akerliuvoq

Siumumit naatsorsuutigineqarpoq, plug-in hybridbiilinut akitsuusiinissamik siunnersuut tunuartinneqassasoq. IA-p gruppiani siulittaasoq isumaqarpoq, plug-in hybridbiilit avatangiisinut iluaqutaasussaanngimmata akitsuummik allannguiniarneq inissaminiittoq.

Partiit naalakkersuisuutitaqartut pulg-in hybridbiilit akitsuuserneqarnissaannik siunnersuut isumaqatigiinngissutigaat.

Naalakkersuisut plug-in hybridbiilit qaffasinnerusumik akitsuuserusuppaat, biili pineqartoq avatangiisinut iluaqutaanngimmat. Ullumikkut taama ittumik biilillit ukiumoortumik motoorinut akitsuummik appasinnerpaamik akiliisarput aamma biilit eqqunneqarneranni akitsuumik akiliineq ajorput.

Siunnersuullu partiimit naalakkersooqatigineqartumit Siumumit taperserneqanngilaq, partiip politikkikkut oqaaseqartartuata Doris J. Jensenip oqaatigaa:

- Hybridbiilit akitsuusersorneqarnerisa allanngortinneqarnissaat Siumup tunngaviusumik
isumaqatiginngilaa. Inuit ataasiakkaat kaasarfii kisiisa assallugit aningaasarsiornikkut
unammilligassat anigorneqarsinnaanngillat. Siumup naatsorsuutigaa, siunnersuut
tunuartinneqassasoq, taanna tusagassiorfitsigut nalunaaruteqarluni allappoq.

- Mingutsitsinngitsumik ingerlatsilerniarnermut akerliusoq

Partiimit akitsuusiinissamik anguniagaqartoqarneranik naammaginnginnerup saniatigut oqaatigineqarpoq, Siumumit isumaqartoqartoq siunnersuut mingutsitsinnginnerusumik ingerlatsinissamik anguniagaqarnermut akerliusoq:

- Aningaasaqarnermut Naalakkersuisumit una siunnersuutigineqartoq nukissiuutit atasinnaasumik atornerujartornissaanut akerliuvoq, aamma nukissiuutit qanoq ittut atorlugit siunissami qorsunngoriartornissatsinnut akerliuvoq, Doris J. Jensen tunngavilersuivoq.

Naalakkersuisut plug-in hybridbiilit qaffasinnerusumik akitsuuserneqarnissaannut tunngavilersuutigisimavaat, taakku avatangiisinut iluaqutaannginnerat. Naalakkersuisut ilaatigut innersuussutigisimavaat, Danmarkimi misissuisoqarsimanerata takutissimagaa, hybridbiilit avatangiisinut iluaqutaavallaanngitsut.

- Innuttaasut tamarmik biilinut avatangiisinut iluaqutaanngitsunut akilersuitinneqarnissaat tunngavissaqanngilaq, aningaasaqarnermut naalakkersuisoq Naaja H. Nathanielsen (IA) siunnersuut pillugu oqaaseqarsimavoq.

Isummerfigereersimagaat - IA tapersiivoq

Doris J. Jensen allappoq, pineqartoq ukioq manna maajip 30-ani Siumup naalakkersuisumut apuussimagaa, oqarluni taamak ilusilimmik siunnersuuteqartoqassappat Siumup tapersersuinissaa naatsorsuutigineqarsinnaassanngitsoq.

Partiilli naalakkersuisuutitaqartup allap - Inuit Ataqatigiit - siunnersuut maannakkorpiaq tusarniaassutigineqartoq akuersaarneruaa:

- Naalakkersuisut siunnersuutaat soqutiginartuuvoq. Plug-in hybridbiilit pinngortitamut illersuisuunerat uniorsimappat allanngortinnissaa pissusissamisuussaaq, udtaler gruppimi siulittaasoq Agathe Fontain Sermitsiaq.AG-mut allakkatigut akissuteqarluni oqarpoq.

Agathe Fontainilli erseqqissaassutigaa, partiimit tusarniaaneq naappat tusarniaanermut akissutigineqarsimasut misissorluarneqarniartut.

Akileraarutitigut oqilisisaassiniarneq isumaqatigiissutaasoq

Naalakkersuisut siunnersuuteqarnerminni allassimapput, akitsuutitigut isertitassatut naatsorsuutigineqartut 35 millioner koruunit missaanniittut sulinermi ilanngaatip qaffanneqarnissaanut atorneqarniartut. Tamannalu Agathe Fontainimit isumaqatigineqarluinnarpoq:

- Pissakinnernut akileraarut nikisitsinikkut millisinneqarsinnaappat isumaqataavugut, gruppimi siulittaasoq allappoq.

Siumumit inuit isertitakinnerusut atugaannik pitsaanngorsaanissamut aamma piareersimasoqarpoq, pitsanngorsaaniarnerli plug-in hybridbiilit akitsuuserneqarnerisigut aningaasalersorneqassanngitsoq oqaatigalugu:

- Akileraartarnikkut aaqqissuussisimanerput tunngaviusumik nalilersoqqinneqassasoq Siumup kissaatigaa, pingaartumik isertitakinnerusut pitsaanerusumik aaqqissuussivigineqarnissaat siunertaralugu, Doris J. Jensen oqarpoq.

Naalakkersuisut naapertorlugit plug-in hybridbiilit ukiumut 200-t eqqunneqartarput, taakkulu tamarmik eqqussinermi akitsuuserneqarsimanatik. Biilit "nalinginnaasut" eqqunneqarneranni minnerpaamik 50.000 koruuninik akitsuuserneqartarput. Biili pisiarineqarnermini 50.000 koruuninik akisuneruppat akitsuut 100 procentiussaaq, biililu 150.000 koruuninik akisuneruppat akitsuut qaffasinnerussalluni.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER