isummanik paasiniaaneq

Naalakkersuisooqatigiit inissisimaffitsik attatiinnarpaat

Naalakkersuisooqatigiinni qinigaq ataaseq illuatungiuliuttut tiguaat. Naalakkersuisooqatigiinnili siuttuusoq Siumut attassiinnarpoq, qinersisartunik misissuinerup kingulliup tamanna takutippaa

Qinersisartut amerlanerussuteqartut naalakkersuisooqatigiit Siumut, Atassut aamma Demokraatit tapersersorpaat

Partiimut illuatungiuliuttumut Inuit Ataqatigiinnut nutaarsiassatsialaqarpoq, naalakkersuisooqatigiinnilu Siumumit siuttuuffigineqartumit partiit ilaannut qinersisartut misissuiffigineqarnerannit kingullermit nuannerpallaanngitsumik nutaarsiassaqarpoq, taanna HS Analysep Sermitsiamut suliaraa.

Misissuineq novemberimi ingerlanneqarpoq - 2014-mi qinersinerup naammasineranit ukioq ataasinngoqqissaartorlu.

IA annerpaasoq
Misissuineq naapertorlugu IA qinikkamik ataatsimik siuariarpoq, taamaalillunilu Inatsisartuni partiini annerpaatut maanna qinersisoqaraluarpat inississaaq.

Naalakkersuisooqatigiilli inissisimaffitsik attatiinnarpat 16-nik qinikkanik inuttaqarlutik, Siumut, Atassut aamma Demokraatit taamaalillutik Inatsisartuni amerlanerussuteqarput.

Naalakkersuisooqatigiinni partiit ilaat siuariaateqalaarpoq, qinikkamilli ataatsimik ilanissaannut tamanna naammanngilaq.

Sermitsiaq normu 48-mi naalakkersuisooqatigiinni partii sorleq kinguariarnersoq aamma sorleq siuariarnersoq atuaruk. Aviisi piniarfinni imaluunniit uani ataani tuugassaq aqqutigalugu pisiarisinnaavat

Powered by Labrador CMS