uran pillugu oqallinneq

Naalakkersuisooqatigiit: Ersisaarinerit naammaleqaat

Uranimut naaggaarluinnarneq atorunnaarpat imaanngilaq uranitalinnik aatsitassarsiorniat akuerineqartut, Siumut aamma Partii Inuit oqarput

Siumup aamma Partii Inuit uran pillugu oqallinnermi Kim Kielsen

Siumup aamma Partii Inuit qatsuppaat uran aserorterisutut saqqummiullugu illuatungiliuttut saqqummiusseqattaarnerat. Tamanna saqqummerpoq uranimut naaggaarluinnarnerup atorunnaarnissaa pillugu Inatsisartuni oqallinnermi saqqummiussineranni.

Illuatungiliuttut oqariartuutigisimavaat kujataani nunalerineq uranip asersorsinnaagaa. Siumulli aamma Partii Inuit ataatsimoorlutik saqqummiussisut allamik isumaqarput.

- Tamakku ilumuunngilluinnarlutillu oqallisigisatsinnut maanga attuumassuteqanngillat, Siumut Partii Inuillu sinnerlugit saqqummiussisoq Kim Kielsen oqarpoq.

Aamma taanna oqarpoq pissutissaqanngitsoq aarleqqutigissallugu maanna uranitalinnik aatsitassarsiortussat ammaanneqaraluttuartut.

- Ilimagineqassaaq suli annertunerusumik piumasaqaateqassasugut uranimik akulinnik allanilluunniit qinngornilinnik aatsitassanik misissueqqissaartoqassatillugu, Kim Kielsen erseqqissaavoq.

Siumut aamma Partii Inuit isumaqarput innuttaasut peqataatinneqannginnerannik oqariartuut tunngavissaqanngitsoq.

- Illoqarfiit nunaqarfiiilu tamaavimmik innuttaasunik ataatsimiisitsivigineqassappsat Inatsisartut tunngaviusumik aalajangertinnagit? Kim Kielsen isumaqartoq maanna piffissanngortoq.

Taanna isumaqarpoq aalajangernaversaarneq akisussaassuseqanngitsuliornerusoq.

Powered by Labrador CMS