isumaqatigiinniarnerit

Naalakkersuisooqatigiinnissamut isumaqatigiinninniaqataasoq: Isumaqatigiinniarnerit naammassipput

Isumaqatigiinninniaqataasup Sermitsiaq.AG-mut oqaatigaa, Siumup siulersuisuisa isumaqatigiinninniarnerit nalilersorniarlugit ataatsimiissasoq

Sara Olsvig
Inuit Ataqatigiit siulittaasuat Sara Olsvig Siumumik sisamanngornermi ataatsimeeqateqareernermi kingorna qungujulalluni anillappoq - assi toqqorsivimmit

Naalakkersuisooqatigiinnissamik isumaqatigiinninniarnerit naammassisimasinnaapput.

Isumaqatigiinninniarnerni peqataasup Sermitsiaq.AG-mut oqaatigaa Siumut siulersuisui nalunaaqutaq 14.00 ataatsimeeqatigiissasut. Tassani isumaqatigiinninniarnerit nalilersorneqassasut oqaatigineqarpoq.

Inuit Ataqatigiit siulittaasuat Sara Olsvig Siumumik sisamanngornermi ataatsimeeqateqareernermi kingorna qungujulalluni anillappoq.

Demokraatit aamma Atassut isumaqatigiinninniarnerit pillugit oqaaseqarusunngillat. Partii Naleraq ataatsimeeqateqareernermi kingorna tusagassiuutinut oqaaseqarusunngilaq.

Powered by Labrador CMS