isumaqatigiinniarnerit
Naalakkersuisooqatigiinnissamik isumaqatigiinninniarnerit aallarteqqinneqarput
Partiit tamarmik Siumup pilersaarusiugaat malissavaat sisamanngornermi
Naalakkersuisooqatigiinnissamik isumaqatigiinninniarnerit Siumup siulittaasuannit Kim Kielsenimit siulersorneqarlutik aallarteqqinneqarput.
Pilersaarut kingullermitut ingerlassasoq Kim Kielsen oqarpoq. Inuit Ataqatigiit siulittaasuat Sara Olsvig parteeqatini peqatigalugit Siumumik ataatsimeeqateqaqqaassaaaq. Partiit tamarmik sisamanngornerup ingerlanerani ataatsimeeqateqassapput.
Partiit isumaqatigiissinnaassappata urani pillugu aamma isumaqatigiissinnaasariaqarput. Periarfissat tamarmik ammatinneqarput, partiit tamarmik Naalakkersuisooqatigilerneqarsinnaasut Kim Kielsenip pingasunngormat oqaatigaa.
Naalakkersuisunngortitsinissamut isumaqatigiinniarnerit unitsinneqarallartut Siumup siulittaasuata isumaqatigiinniarnerillu siuttuata Kim Kielsenip pingasunngormat aalajangerpaa. Partiit siulittaasuata ilaata ilaqutamini alianartumik pisoqarnera pissutaalluni isumaqatigiinninniarnerit unitsinneqarallarput pingasunngormat.
Isumaqatigiinninniarnerit Sermitsiaq.AG-mit malinnaaffigineqassapput.