Naalakkersuisooqatigiinnissamik isumaqatigiinniarnerit: Ataatsimiinnerit siulliit aallartinneqarput

Siumup siulittaasuata Kim Kielsenip parteeqataalu ataasinngornermi ulapputissapput. Partiit Inatsisartunut isertitaqartut tamarmik Naalakkersuisooqatigiinnissamik isumaqatiginninniarfigineqassapput.

Siumut Inuit Ataqatigiit nalunaaqutaq 9-mit 10 tungaanut ataatsimeeqatigaa. Demokraatit nalunaaqutaq 10-mit 11-ip tungaanut ataatsimeeqatigineqassallutik.

Partii Naleqqap ataatsimeeqatiginissaa nalunaaqutaq 11-mit 12-ip tungaanut ingerlanneqassasoq naatsorsuutigineqarpoq kiisalu Atassut nalunaaqutaq 13 ataatsimeeqatigineqassalluni.

Inatsisartunut qinersinermi Siumut aamma Inuit Ataqatigiit ilaasortaasinnaasunit 31-sunit tamarmik aqqanilinnik isertitaqarput. Siumut inunnit 10.102-nit taaneqarput, Inuit Ataqatigiit 9.776-nit taaneqartut. Taamaattumik Siumut Naalakkersuisooqatigiinnissamik isumaqatigiinniarnerit ingerlatissavaat.

Demokraatit Inatsisartunut sisamanik isertitaqarput, Partii Naleraq pingasut kiisalu Atassut marluk.

Isumaqatiginninniarnerit Sermitsiaq.AG-mit malinnaaffigineqassapput.