Skip to main content

Naalakersuisut ikiaroornartunut tunngatillugu inatsisissamik kinguartitsisut

Naalakkersuisut coronap ajornartorsiortitsinera pissutigalugu ikiaroornartut pillugit inatsisissaq nutaaq kinguartittariaqarsimavaat.

Siorna ukiakkut ataatsimiinnermi amerlanerussuteqartut ikiaroornartunik annerpaamik 0,2 procentimik THC-talinnik, tassunga ilanngullugu cannabisip uuliataanik tuniniaasinnaanermut inerteqqummik atorunnaarsitsinissamut akuersaarput.

Aningaasatigut tatineqarneq

Peter Olsenip paragraf 37 naapertorlugu apeqqutaanut akissuteqaammi atuarneqarsinnaavoq, Covid-19-imik pissutsit ”nunap ajoraluartumik ilimaginngisanik
aningaasartuuteqarsimaneranik kinguneqarput, tamatumunngalu atatillugu
isumalluutinik annertunerusumik atuisoqarsimaneranik tamanna suli kinguneqarluni.”.

- Taamaattumik ajornartorsiornermit tassannga nunap sapinngisaq malillugu
qaangiiniarnerani Naalakkersuisut pingaarnersiuisariaqarnikuupput.
Tamatuma kinguneraa, aalajangiinerit ilaasa kinguartittariaqarnerat, tassungalu
atatillugu sualummik aalajangiinerit nunami isumalluutinik annertunerusumik
atuinissamik kinguneqartussat, Peqqissutsimut Naalakkersuisoq Anna Wangenheim akissuteqarluni allappoq.

Cannabis nakorsaatitut

Naalakkersuisumit ilisimatitsissutigineqanngilaq, Naalakkersuisoqarfik inatsisissap nutaap piareersarneqarnissaanut qaqugu nukissaqalissanersoq. Akerlianik Inatsisartut ukiaru ataatsimiilerpata, danskit misileraanerattut nakorsat ataasiakkaat immikkut akuersissummik piniaqqaaratik nakorsaatitut akuerisaanngitsumik cannabisimik nakorsaasiillutik
nakorsaanissamik periarfissaqalersillugit misileraanermik aallartitsinissaat pillugu Inatsisartut nassuiaammik saqqummiivigineqassasut, akissuteqaammi allassimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER