Naalagaaffiup Sinniisoqarfia Suka pillugu qiteqqusimasumik erfalasoqartoq

Akileraartarnermut Aqutsisoqarfiup Naalagaaffiullu Sinniisoqarfiata silataanni marlunnik erfalasulerfeqarpoq. Erfalasulerfiup aappaani erfalasoq qiteqqusimavoq, aappaanili Dannebrog qtieqqusimanani. Maannali marluullutik qiteqqusimalersimapput.

Kathrine Kruse Morten Nornild

Namminersorlutik Oqartussat erfalasulerfiat Nuummi Akileraartarnermut Aqutsisoqarfiup saavaniippoq. Miiterialunnguanik ungasitsigisumi Akierlaartarnermut Aqutsisoqarfiup illutaata saavaniittoq erfalasulerfik, ”angerlarsimasoqartoq” takutinniarlugu erfalasoqartuaannarpoq.

Namminersorlutik Oqartussat, Naalakkersuisuusimasoq Suka K. Frederiksen ippassaq toqukkut qimaguttoq ataqqiniarlugu ullumi qiteqqusimasumik erfalasulersimapput.

Naalagaaffiup Sinniisoqarfiani sulisut ullaaq suliartormata, tamanna aamma maluginiarneqarsimavoq, Naalagaaffiup Kalaallit Nunaanni Sinniisoqarfiani pisortap tullia Morten Nornild Sermitsiaq.AG-mut oqaluttuarpoq.

Tamatigut assigiimmik erflasoqarneq ajortut

- Ullaaq tamanna eqqumiigilaarlutigut oqaloqatigiissutigaarput, allamulli sangulluta, taanna oqarpoq.

Sulisut ullup-qeqqa qaangilaaraa tamanna oqaluusereqqilerpaat, Suka K. Frederiksenilu pillugu qiteqqusimasumik erfalasulerniarluta aalajangerpugut.

- Nunami nuimasuussimasoq inussiarnisaarfigalugu ataqqiniarlugulu qiteqqusimasumik erfalasulerpugut. Namminersorlutik Oqartussat Suka pillugu qiteqqusimasumik erfalasoqarmata, aamma uagut taamaaliorusussimavugut, pisortap tullia oqarpoq.

Taassuma erseqqissaatigaa, erfalasulerfiit taakku marluk ullut ilaanni asigiimmik erfalasoqarneq ajortut.

- Pisumi matumani isumaqatigiissutigaarput, Suka K. Frederiksen toqoqqammersoq qiteqqusimasumik erfalasulersimannginnerput pissusissamisuunngitsoq, taamaammat erfalasorput qiteqqupparput, Morten Nornild oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS