Skip to main content

Naalagaaffiup katersugaasivissuata oqaaseq "eskimo" saqqummersitanit piiarniaraa

Naalagaaffiup katersugaasivissuata oqaaseq ”eskimo” saqqummersitaminit piiarlugu aallartilerpaa.

Naalagaaffiup katersugaasivissuata issittumut tunngatillugu saqqummersitaminit oqaatsit "Eskimoer aamma Grønland" sapaatip akunnerata tulliani piiarlugit aallartinniarpaa. Aviisi Kristeligt Dagblad allappoq.

Tamatumunnga pissutaavoq, oqaatsip inuppassuarnit nikanarsaatitut isigineqartarnera, katersugaasivimmi pisortaq Martin Appelt oqaluttuarpoq.

- Naalagaaffiup katersugaasivissuani qularinngilluinnarlugu oqaaseq "eskimo" peerniarparput, tassa sumiiffinni Naalagaaffiup katersugaasiviata katersuiffigisimasaanni inuppassuarnit maanna nikanarsaatitut isigineqalersimanera pissutigalugu, taanna Kristeligt Dagbladimut oqarpoq.

Den Danske Ordbog naapertorlugu oqaaseq "eskimo" isumaqarpoq, inuit "asiami nunat inoqqaavisa ilaat Kalaallit Nunaata issittortaani najugaqartut".

Tassungalu atatillugu oqaatigineqarpoq, oqaatsip nikanarsaatitut misinnarsinnaanera, aamma oqaaseq "inuit" inuiannit Canadap avannarpasissuanersunit, Alaskameersunit Sibiriallu nunataata ilaaneersunit atorneqarusunnerunera.

1992-imili saqqummersitsineq

Naalagaaffiup katersugaasivissuani saqqummersitat 1992-imili allanngortinneqaratik uninngasimapput. Martin Appeltilu naapertorlugu, saqqummersitat taakkununngalu atatillugu oqaasertaliussat allanngortinniarnerat ajornaatsuinnaanngilaq.

- Nalunaarsuisarnermut manna atortutsinni oqaatsit atortakkatta aamma siunissami atortagassatta akornanni erseqqissumik atassusiisoqanngippat, katersukkavut allagaativullu nassaariuminaallisinnaapput, taanna Kristeligt Dagbladimut nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER