Naalagaaffimmi pissaanerit sisamaat isornartorsiorneqartoq

Siulersuisut nunaqavissunit inuttalersorneqarnissaannut Hans Enoksenip siunnersuutaata allaaserineqarneranut atatillugu Sermitsiaq.AG oqaaseq 'nungusaasoqassaaq' atormagu isornartorsiorneqarpow

Transparency International Greenlandip aaqqissuussaaanik qinersisartunikataatsimiititsisoqarnerani aamma tusagassiorfiit naalagaaffiup pissaanerisa sisamaattut inissisimanera ilaatigut sammisani oqaluuserineqarpoq. Arlaannaanulluunniit attuumassuteqanngitsumik peqquserluttoqannginnissaanik pisariaqartitsinerup oqallisigineqarnerani tamanna pivoq.

Tassani Pele Brobergip (PN) tusagassiorfiit arlaannaanulluunniit attuumassuteqanngitsutut atuunnissaannik, politikerinik, pisortat suliffeqarfiinik aamma suliffeqarfinnik nakkutilliisumik pisariaqartitsineq tikkuarpaa. Kisianni tamatuma saniatigut Sermitsiaq.AG ilaatigut akisussaaffiup tamatuma aqunnissaanik pitsaajuannannginnerarpaa.

- Hans Enoksenip siulersuisut nunaqavissuunissaannik kissaateqarneranut atatillugu oqaaseq ‘nungusaasoqarnissaa’ atorneqarnera eqqortuusinnaanngilaq.

- Ammip qalipaataanik immikkoortitsisutut nalilerneqarnani inuiaqatigiit suliffeqarfiutaat nammineq akisussaaffigilernissaannik oqallisiginnissinnaaneq maanna piffissanngunnginnerluni, taanna oqarpoq.

Qinersinermi naliliisartup illuinnaasiornerani isornartorsiuineq

Sermitsiaq.AG aamma qineqqusaarnermi arlaannaanulluunniit atannginnerususinnaasoq, Siumumeersoq Nicolai Nissen isumaqarpoq.

- Partiit ilaanni siulittaasuusimasoq politikkikkut naliliisartutut toqqarneqarsimanera tupigusuutigaara, Kuupik Kleistimut unnersuussilluni taanna oqarpoq. Kuupik Kleistip nalilersuineri ajoriffissaqartinnagit taassuma oqaatigaa, kisianni nipinik allanik ujartuinerarpoq.

Tusagassiorfiit marluinnaat Sermitsiaq.AG aamma KNR saqquminerat amigartoq, taanna isumaqarpoq, unammilleqatigiittoqarneruneranik itisiliinerusumik tusagassiornermik malitseqarsinnaasoq isumaqarami.

Tusagassiorfinnut tapiissutit

Sara Olsvigip naliliisartumik toqqaasimanerup illuinnaasiorpalaarneranik Nicolai Nissen ilalerpaa. Kisianni tamatuma saniatigut suliani allani isornartorsiortitsineq illuanut sammisimasoq, taanna isumaqarpoq.

- Imigassamut inatsisip oqallisigineqarnerani soqutigisaqartut ilaat Sermitsiaq.AG-mi saqquminissamut ajornanngitsitserpasittut, Nicolai Nissen toqqaannartumik isigalugu oqarpoq, taanna naluneqanngitsutut Hecami Godthåb Bryghusimik piginnittumi pisortaavoq.

- Tusagassiorfiit piviusup nassuiarniarnerani tusagassiorfiit atuartartuisalu akornanni oqallittoqartuaannarpoq, oqallinneq ilaatigut sakkortusinnaasoq. Tamakku ammasumik oqallisigineqartarnerat pitsaavoq, taanna oqarpoq.

- Naalakkersuinermik suliaqartutut tusagassiorfiit sinaakkutinik allanngujaatsunik qulakkeerinninnikkut nukittorsartussaavagut. Tusagassiorfinnut tapiissutit suliarineqarneri tassunga atatillugu kusanartuinnaasimanngillat, taanna Sara Olsvig oqarpoq.

Naalakkersuisut 2014-imi tusagassiorfimmut Sermitsiaq.AG-mut tapiissuteqarnissamik itigartitsipput. Kingorna annikillisinneqarluni atuutilerseqqinneqarpoq. Tusagassiorfik 2017-imi 1,5 millionit koruuninik tapiiffigineqarpoq.

Qajannaatsumik tusagassiuutinut tapiissuteqartarnissamik tapersiilluni, Pele Brobergip (PN) oqaatigaa.

Powered by Labrador CMS