Naalagaaffeqatigiit Savalimmiuni ataatsimiinnerat peqqumaasivimmi pissaaq
Statsminister Lars Løkke Rasmussen, lagmand Aksel V. Johannesen aamma Naalakkersuisut siulittaasuat Kim Kielsen aqagu naalagaaffeqatigiit Savalimmiuni ataatsimiinnerannut peqataassapput
Statsministeri Lars Løkke Rasmussen, lagmand Aksel V. Johannesen aamma Naalakkersuisut siulittaasuat Kim Kielsen ukiumoortumik naalagaaffeqatigiit aqagu ataatsimiinneranni peqqumaasivimmi pissaaq –taanna Savalimmiuni tatsip Leynavatnip Torshavnip eqqaani inissisimavoq.
Naalagaaffeqatigiinni siuttut pingasut tassani savat quttoraasa aamma niisarnat neqaasa panertut akornanni isumaqatigiinniarsinnaapput.
»Hjallurin« – imaluunniit peqqumaasivik, neriniartarfiup Michellinimik nersornaaserneqarsimasup Koksip pigaa, taanna savalimmiormiut illuutaanni ukiuni hunnorujulikkaani arlalinnik pisoqaassuseqartunik Leynavatnip eqqaani Frammi við Gjónnami illutaqarpoq. Peqqumaasiviit qanga Savalimmiuni pingaarutilerujussuupput. Tassani nerisassat panertinneqarlutillu asiujuillisarneqartarput. Taakku maanna mamartuliarineqartarput, ilaatigut Koksimi.
Naalagaaffeqatigiinni siuttut ullumikkut Suderø tikeraarpaat, taanna Savalimmiuni qeqertani kujasinnerpaavoq, aamma ilaqutariit marluk Stóra Dímunimiittut pulaarneqarput. Unnugu nereqatigiittoqassaaq, naalagaaffeqatigiit aqagu Savalimmiuni nalunaaqutaq malillugu 9.30 ataatsimiissapput.