ataatsimeeqatigiinneq
Naalagaaffeqatigiit ataatsimeeqatigiinneranni nutaanik isumaqatigiittoqanngilaq
Naak naalagaaffeqatigiinnerup nutarsarnissaa anguniarneqaraluartoq ataatsimiinnermi eqqartorneqanngilaq
Savalimmiormiut Lagmandiat, danskit ministeriunerat Helle Thorning-Schmidt aamma Naalakkersuisut Siulittaasuat Aleqa Hammond ullumi ulloq 18. juni 2014 ukiumoortumik naalagaaffeqatigiittut ataatsimeeqatigiipput.
Naalakkersuisut Siulittaasuat, Ministeriuneq aamma Lagmandi apeqqutit qulequttallu Naalagaaffeqatigiinnermi pingaarutillit oqaloqatigiissutigaat.
Ataatsimeeqatigiinnerup saniatigut tikeraarnermi savalimmiormiut paasisassarsiortitsillutik Mykinesimut Tindholmimullu angalaartitsipput. Naalagaaffeqatigiit ataatsimiinnerat Tinganesimi ingerlanneqarpoq.
Naalagaaffeqatigiinneq pingaarutilik
Nutarsaasoqarnissaa suliniutigineqarusukkaluartoq ataatsiiinnermi eqqartorneqanngilaq.
- Kalaallit Nunaat aningaasaqarnikkut nammineq napatilernissaata anguniarneqarnera ingerlaannassaaq, Aleqa Hammond oqarpoq.
Statsministeri Helle Thorning-Scchmidt oqarpoq savalimmiormiut kalaallillu toqqaannartumik nutarsaasoqarnissaanik pisariaqartitsinngitsut.
- Nutaamik isumaqatigiissusiortoqarnissaa sulissutigineqanngilaq, naalagaaggeqatiginnermi nukittuvoq, Statsministeri oqarpoq.
Ataatsimeeqatigiinnerup saniatigut tikeraarnermi savalimmiormiut paasisassarsiortitsillutik Mykinesimut Tindholmimullu angalaartitsipput. Naalagaaffeqatigiit ataatsimiinnerat Tinganesimi ingerlanneqarpoq.