Skip to main content

Naalagaaffeqatigiit Aappaluttumi ataatsimiittut

Naalagaaffeqatigiinni naalakkersuisut siulittaasui pingasut ullumi ataatsimiipput

Naalakkersuisut siulittaasuata Kim Kielsenip, ministeriunerup Lars Løkke Rasmussenip aamma lagmand Aksen V. Johannesenip naalagaaffeqatigiit akunnerit pingajuata affaanik sivisussusilimmik ataatsimiinneranni ilaatigut oqaluuseraat nunani taakkunani pingasuni aningaasaqarneq, nunani innuttaasut amerlassusaat, katitigaanerat ineriartornerallu, uteqattaarneqartuartartorlu tunngaviusunik inatsiseqalernissamik sulineq.

– Ataatsimiinnermi aalajangiussaqanngilagut, sammisalli politikkikkut ingerlateqqissinnaasavut oqaluuseraavut. Aammattaarli takutipparput aatsitassanik piiaalersugut siunissami aningaaqarnitsinnut iluaqutaasinnaasumik. Tamanna piviusunngoriartuinnarpoq, tamannalu takutissimavarput, Naalakkersuisut siulittaasuat Kim Kielsen oqarpoq, taassumalu nuannaarutigaa  naalagaaffeqatigiit ataatsimiinnerat ukioq manna Aappaluttumi, nunaqarfimmit Qeqertarsuatsiaanit ungasinngitsumi, ingerlanneqarmat.

– Isumaqarpunga ataatsimiinneq pitsaasuullunilu sammisaqarfiulluarsimasoq, immitsinnut paasissutissilluta silarsuaq Nuummit, Thorshavnimit Københavnimillu isigalugu qanoq innersoq. Arlalinnik assigiissunik unammilligassaqarpugut. Soorlu innuttaasut katitigaanerisigut. Tamatta innuttavut utdoqqalinerisalerput, taamaattumik tamatta immikkut tunngavissavut atorlugit periusissarsiussaagut siuariartortitsisunik pigissaartitsisunillu, nuannaarutigaaralu naalagaaffeqatigiit immikkoortuini tamani pitsaasumik ineriartortoqarmat, Savalimmiuni aningaasap naleqarluartut aammalu Kalaallit Nunaanni Danmarkimilu siuariartorneq suliassaqartitsinerulernerlu, ministeriuneq Lars Løkke Rasmussen oqarpoq, taassumalu Kim Kielsen ataatsimiinnermik aaqqissuussineranik qutsivigaa, rubininillu piiaaffik takusimagamiuk nuannaarutigaa.

Taassuma naqissuseqqippaa naalagaaffeqatigiinneq illersorluartuugini. Ataatsimiinnermilu tamanna aamma sammineqaqqissimavoq.

– Savalimmiuni inatsisit tunngaviusut ukiorpassuarni sulissutigineqarsimapput. Suliaq tamanna 1998-imi aallartinneqarsimavoq. Suliarlu 2011-mi unitsinneqarsimavoq. Anguniagaq anguneqangajalersimavoq, taavali nutaanik naalakkersuisunngortoqarpoq. Suliaq taanna nutaamik aallartinneqarsimavoq. Tamatumani siunertaanngilaq Sabalimmiut naalagaaffeqatigiinnit avissaarniassasoq, oqartussaanerulli Savalimmiuniinnissaanik aalajangersaanissaq; nammineq aalajangiisinnaassuseqartuusugut, Aksel V. Johannesen oqarpoq, taannalu aappassaa Kalaallit Nunaanniippoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER