Skip to main content

Naak sila ajoraluaqisoq Nuummi akerliussutsimik takutitsiumasut peqataapput

Sapaatiummat nalunaaqutaq 13 Nuutoqqap allanngorterujussuarnissaanut illutoqqat oqaluttuarisanermi pingaarutillit piialugit. pilersaarutinut akerliussutsimik takutitsinissamut aggersaasoqarpoq

Amutsivitoqaq peeriarlugu inaanilu sisamanik atagesialimmik hoteliliornissaq pilersaarutit ilagaat, illutoqqat piiariarlugit nutaanik ilaqutariit illui naatsivillit sanassamarneqarput. Steffen Heilmann, 'Nuummit Eqqaamasassat', oqarneratut illuaqqat plastikkit turistinut tunngasut napparneqassamaarput, aamma allatut inuutissarsiutileqarfiliassat siunertaapput tassa illoqarfiup immikkoortuani oqaluttuassartaqaqisumi sukisaarsartarfigalugulu najortakkami.

Aamma Steffen Heilmannip ernumaataasa ilagat sanaartornermi angallatit oqimaatsut ingerlanerisa sajuppillatsitsisarnerisa illutoqqat innarlerneqartarnissaat. Akerliussutsimik takutitsinerup kingorna pilersaarusioqataasumut Kommuneqarfik Sermersuup naammagittaalliuummi atsioqataasinnaasoqarpoq, aamma Facebookimi atsioqataanikkut akerliuneq takutinneqarsinnaavoq, mannalu tikillugu inuit 150it atsioqataareerput.

Mille Søvndahl Pedersen, Teknikkimut avatangiisinullu ataatsimmiitsitaliami siulittaasoq (IA), Steffen Heilmann, 'Nuummit Eqqaamasassat' pilersaarutit saqqummiutereermagit oqarpoq akerliunermut nalunaarutit tusarlugit, manna tikillugu saaffiginninnerit tamarmik qisuariarfigineqarnikuunatik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER