Naak kaammattuisoqaraluartoq: Maliina qinigassanngortissanngilaq

Inuit Ataqatigiinni Inatsisartuni ilaasortaatilluni Maliina Abelsen Winter Games 2016-mi General Managerinngorpoq juunimi 2013-mi.

Inatsisartunut qinersisoqarnerani taaguunneqarnerpaat pingajuuvoq 1.334-init taaneqarluni.

Inatsisartunut qinersisoqaqqilerpoq novembarip 28-ani. Qineqqusaarnissaminut kaammattuisoqaraluartoq atorfini qimakkumanngilaa. Maliina Abelsen Naalakkersuisutut atorfeqartareerpoq.

AWG 2016-mi sulinini nuannaraa
- Aap, soorunami pilerisukkaluarpunga, inuugama politikkimik soqutigisalik aamma inuiaqatigiinni allanngueqataarusussuseqarama. Eqqarsaatigereerluguli aalajangerpunga qinersinissamut aggersumut qinigassanngortinniarnanga. Kajumissaarisorpassuarnut qujamasuppunga nersualaarinninnertut isigalugit.

-Qinigassanngortinniarnanga aalajangerpunga AWG 2016-mut pisortatut atorfimmut akuersaarnikuungama, tamannalu aqqutigalugu aamma politkeritut naleqartitattut eqqartortakkakka piviusunngortikkusukkakkit, Maliina Abelsen oqarpoq.

Maliina Abelsenimut AWG 2016 tassaginnanngilaq sapaatit akunneranni ataatsimi timersornikkut kulturikkullu pikialaartitsineq.

- AWG 2016 uannut tassaavoq inuussutut nukittorsarfissaat inuiaqatigiittullu ataqatigiinnitta kimeqarnerulernissaa. Tassaavoq pisortat namminersortullu suleqatgiiffissaat, kattuffiit tamalaat, sungiusimasat akimorlugit il.il.. AWG 2016 aaqqissuussinerit taamattut annersarissavaat, atorluassavarpullu nunarput nittarsaallugu, inuusutttut aqutsinermik ilinniartillugit, suliffeqarfinni piginnaasat qaffassarlugt, pisiniarfinni kiffartuussineq pitsanngorsarlugu, timersorneq nittarsaallugu, peqqinneq piorsarsimassuseq il.il..