Naaja Nathanielsen: Anguniakkat piviusorsiornerusut annertuallaallu ikinnerusut

Ukiuni tulliuttuni aatsitassat Kalaallit Nunaannut isertitani pingaarnerunavianngillat, kisianni aatsitassarsiortitseqatigiiffiit Kalaallit Nunaanniinnerat pisuussutit periarfissallu ineriartorteqqinneqarsinnaasut pillugit paasissutissanik qulakkeerinneqataasinnaapput, aatsitassanut naalakkersuisoq Naaja Nathanielsen oqarpoq.

– Bluejay Mining aamma Tanbreez angusaqangaatsiareerput, taava sorliup suliniummut aningaasaleeqqaarnissaa apeqqutaaginnarpoq, Naaja Nathanielsen oqarpoq, taassuma mianersortumik nalilerpaa, ukiut marluk ingerlanerini aatsitassarsiorfiit ingerlasut amerlassusaasa marloriaatinngornissaat – tassa imaappoq, maanna marlunnit sisamanngornissaat.

Ukiut qulinngulersut matuma siorna aatsitassat nunap iluaniittut, aalisarnerup takornariartitsinerullu saniatigut aningaasaqarnermut imminut napatittumut aqqutissiuisussat pingajuattut Naalakkersuisut oqaatigaat.

Taamatut pisoqanngilaq. Aviisi Sermitsiaq allappoq.

Kalaallit Nunaanni ullumikkut aatsitassarsiornermik suliniutit marluk ingerlapput, suliniuterpassuarnillu nutaanik aatsitassanik avammut tunisinissamut maannamuugallartoq aallartittoqarnissaa ilimananngikkallarpoq.

Taamaakkaluartoq aningaasaqarnermut, aatsitassanut, inatsisinik atuutsitsinermut naligiissitaanermullu naalakkersuisoq, Naaja Nathanielsen naammagisimaarinnippoq; tassami aatsitassarsiortitseqatigiiffiit misissueqqaarnera ujaasinerallu, nunatta pisuussutai pillugit paasissutissanik pingaarutilinnik pissarsititseqataammata.

– Suliassaqarfimmi matumani siornatigut iliuusissiat annertuallaarlutillu aatsitassarsiornermik suliniutit qanoq amerlatigisut aallartinnissaannut qaffasippallaartumik anguniagaqarput. Uanga taamaaliornianngilanga. Siullermik suliassaqarfik una nunarsuarmi niuernikkut akinit aalajangersarneqartorujussuuvoq. Aappaattut aatsitassarsiornermik ingerlatsisoqarnera aatsitassarsiornermik iliuusissiatsinnut aalajangiisutuaanngilaq; paasissutissanik katersineq aamma pineqarpoq. Nunarput qulaajarneqanngilaq, pisuussutittalu paasisaqarfiginerunissaat pisariaqartipparput. Aningaasaliisinnaasunut paasissutissanik piviusunik ingerlatitseqqittarnermi, pisuussutit nunap iluaniittut nassaariniarneratut suliassaatigisoq misigaarput, Naaja Nathanielsen oqarpoq.

Allaaserisaq tamaat uani Sermitsiami pisiarisinnaasanni atuaruk:

Powered by Labrador CMS