Skip to main content

Mútep tunngaviusumik inatsisissaq akisussaaffigilissavaa

Naalakkersuisut Siulittaasuata Múte B. Egedep Tunngaviusumik Inatsisissaq pillugu Isumalioqatigiissitaq akisussaaffittut tigusimavaa, Naalakkersuisullu Siulittaasuata Naalakkersuisoqarfianut inississimallugu.

Tunngaviusumik Inatsisissaq pillugu Isumalioqatigiissitaq ukiuni kingullerni Aningaasaqarnermut Naalakkersuisumit akisussaaffigineqartarsimavoq, Naalakkersuisunngortulli nutaat akisussaaffeqarfissaannik agguataarisimaneq pillugu saqqummiussami takuneqarsinnaavoq, Tunngaviusumik Inatsisissaq pillugu Isumalioqatigiissitaq Naalakkersuisut Siulittaasuata Naalakkersuisoqarfiani akisussaaffigineqalersimasoq.

Kim Kielsenip Naalakkersuisunut siulittaasuunerani Københavnimi Kalaallit Nunaata Sinniisoqarfia siulittaasup akisussaaffiisa ilagisimavaat, akisussaaffiilli nutaamik agguaanneqarsimanerani takuneqarsinnaavoq, sinniisoqarfik Pele Brobergip Inuussutissarsiornermut, Niuernermut, Nunanut Allanut Silallu Pissutaata Allanngoriartorneranut Naalakkersuisoqarfianut nuunneqarsimasoq .

Digitaliseeriinermut Aqutsisoqarfik

Múte B. Egedep Digitaliseeriinermut Aqutsisoqarfik Naalakkersuisut Siulittaasuata Naalakkersuisoqarfianut nuussimavaa, taanna siusinnerusukkut Ilinniartitaanermut, Kultureqarnermut Ilageeqarnermullu Naalakkersuisoqarfiup ataaniissimagaluarpoq.

Saqqummiussami aamma takuneqarsinnaavoq, Meeqqanut, Inuusuttunut Ilaqutariinnullu aamma Inatsisinik Atuutsitsinermut Naalakkersuisoq nutaanik akisussaaffilerneqarsimasoq, taakku tassaapput:

  • Meeqqat suli atualinngitsut
  • Meeqqat inuusuttullu atugarliortut
  • Ilaqutariit meeqqallu
  • Pinaveersaartitsineq
  • Meeqqanut inuusuttunullu isumaginnittoqarfik
  • Meeqqat Illersuisuat meeqqallu isummersorfii
  • Innarluutillit
  • Inatsisinik atuutsitsineq
  • Innarluutillit illersuisuat
  • Inuit pisinnaatitaaffii
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER