Skip to main content

Mútep aajuku Naalakkersuisuutitai

34-nik ukiulik Múte B. Egede nunatsinni Naalakkersuisut siulittaasuusimasuni inuusunnersanngorpoq. Naalakkersuisut siulittaasunngortup Naalakkersuisoqatissani ullumi ilisaritippai.

Naalakkersuisut qulit nunatsinnik aqutsissapput. Inuit Ataqatigiit arfineq-pingasunik naalakkersuisuutitaqartoq, Naleraq marlunnik naalakkersuisuutitaqassaaq.

Atassut Naalakkersuisunik tapersersuisutut inissisimammat naalakkersuisoqatigiit Inatsisartuni 31-nik ilaasortaatitaqartuni 18-iussapput.

Naalakkersuisut siulittaasuata erseqqissarpaa inuk nunatsinni pisuussut pingaarnerpaasoq, tamannalu tunngavigalugu Naalakkersuisut sulissasut. Inatsisartut inissititertumik ataatsimiinnissaannut utaqqissussinani Naalakkersuisoqatigiinnik maanna saqqummiussinissani pingaartippaa.

- Ukiuni sisamani tulliuttuni anguniakkagut, takorluukkagut saqqummiunnissaannut peqataagassi nuannaarutigaarput. Inuiaqatigiit ataatsimoortut sullitissavagut. Toqqissisimasumik patajaatsumillu ingerlatsissaagut. Isumaqatigiissusiorneq naalakkersuisoqatigiit qaangerlugit atuuttussat pingaartippagut, Múte B. Egede oqarpoq.

Aajuku Naalakkersuisut:

  1. Múte B. Egede, Naalakkersuisut siulittaasuat
  2. Aqqaluaq B. Egede, aalisarnermut aamma piniarnermut Naalakkersuisoq
  3. Pele Broberg, nunanut allanut, niuernermut, silap pissusianut inuussutissarsiornermullu Naalakkersuisoq
  4. Kirsten Fencker, peqqissutsimut Naalakkersuisoq
  5. Peter P. Olsen, ilinniartitaanermut, kultureqarnermut, timersornermut ilageeqarnermullu Naalakkersuisoq
  6. Mimi Karlsen, isumaginninnermut sulisoqarnermullu Naalakkersuisoq
  7. Naaja Nathanielsen, ineqarnermut, attaveqatigiinnermut, aatsitassanut naligiissitaanermullu Naalakkersuisoq.
  8. Asii Chemnitz Narup, aningaasaqarnermut nunamullu namminermut Naalakkersuisoq
  9. Eqaluk Høegh, meeqqanut, inuusuttunut, ilaqutariinnut inatsisinullu atuutsitsinermut Naalakkersuisoq
  10. Kalistat Lund, nunalerinermut, pilersornermut, nukissiuuteqarnermut avatangiisinullu Naalakkersuisoq

Hans Enoksen Inatsisartuni siulittaasunngorpoq, taassumallu erseqqissarpaa inatsisit malinneqassasut.

- Innuttagut ineriartornermi katassimavagut. Atugarissaarneq innarlerneqarsimavoq, pisuullu piitsullu akornanni qunneq annertunerulersimavoq. Naalakkersuisoqatigiilersuni anersaaraarput inuiaqatigiit ataatsimoortut tamaasa sullinnissaat ikiornissaallu. Kikkut tamat inissaqassapput. Ikioqatigiittarneq uterteqqittariaqarpoq, Hans Enoksen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER