Skip to main content

Múte: Ammaanissamut periusissaq piariingajalerpoq

Ammaanissamut periusissiaq decembarip tungaanut atuuttussaq qaammammi matumani partiini tamanani oqaluuserineqarsimavoq. -Ammaanissamut periusissiaq partiini oqaluuserineqarsimasoq pillugu inaarutaasumik sapaatip akunnerani tullermi aalajangiiffigissavarput, Naalakkersuisut Siulittaasuat oqarpoq.

Naalakkersuisut ammaanissamut periusissiaq saqqummiutingajaleraat Kujataani tuniluuttoqalerpoq.

- Ammaanissamut periusissiaq ukiup naaneranut atuuttussaq oqaluuserineqarsimavoq. Periusissiaq qanoq isikkoqarnissaa oqaluuserisimavarput, aamma periusissiaq inaarutaasumik akuersissutigineqarnissamut piareeqqavoq, Naalakkersuisut Siulittaasuat oqarpoq.

Múte Bourup Egedep nassuiaatigaa, periusissiaq suliaralugu naammassineqareersoq tuniluuttoqalersimasoq.

Periusissiaq isumannaannerpaat

Naalakkersuisut ammaanissamut periusissiap nunamut isumannaannerpaanissaa qulakkeerniarpaat. Sulili periusissiap qanoq atuutsinneqalernissaa oqaluuserineqanngilaq.

- Isumannaannerpaajusussamik periussissiorsimavugut. Maanna periusissiap qanoq atuutsinneqalersinnaanera paasiniarussaavarput, tamannaavorlu partiit peqatigalugit oqaluuseriniagarput, Múte Bourup Egede oqarpoq.

Qanermut assiaquteqarnissamik katersuussinnaasullu qummut amerlassusissaannik piumasaqaatit

Siorapalummiut pisiniarfimminnukassagunik qanermut assiaquteqartussaapput, naak Nuummut Ilulissanulluunniit sanilliullugit tuniluuttoqalersinnaaneranut aarlerinaat annikinneerarsuugaluartoq. Tamanna aamma Tunumi nunaqarfimmiunut atuuppoq.

- Nappaalanersuaqarneranut ataatsimiititaliap inassuteqaatai malissimavavut. Aqunneqarsinnaanngitsumik tuniluuttoqalersinnaanera aarlerinaateqarmat killilersuutit taakku atuuttussanngortinneqarnissaat aalajangersimavarput. Mannali takusinnaavarput, tuniluuttoqarnera aqussinnaagunarlutigut, taamaammat sapaatip akunnerata tulliani killilersuutit nalilersoqqinniarpavut, Múte B. Egede nassuiaavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER