Skip to main content

Múte: Aalisarnermut akisussaaffik politikkeriniippoq

IA-p siulittaasua Múte B. Egede isumaqarpoq, siunissami aalisarnerup ingerlanneqartarnissaa pillugu oqallinnermi aningaaseriviit, inuussutissarsiorfiit allallu umiatsiaararsorlutik aalisartut aningaasaqarnerisa ajorseriarnerannut pisuutinneqarsinnaanngitsut

-Nunatta aningaaserivii, inuussutissarsiorfiit allallu attuumassuteqartut pisuuteqattaarnagit akisussaaffipput tigullugu sulisariaqarpugut, Múte B. Egede Naalakkersuisunut Inatsisartullu ataatsimiittarfianni politikkerinut isornartorsiuilluni oqarpoq.

Grønlandsbankenip umiatsiaararsorlutik aalisartunut aningaasaleeqqinniarani aalajangernera oqallinnersusarmik kinguneqarpoq, IA-miillu isumaqarpugut Naalakkersuisut ”sattaaserlutik” suinertik unitsittaraqaraat.

- Nunatsinni aalisarnermik inuussutissarsiut ullumi siunissamilu patajaatsumik qulakkeerumallugu aqutsineq pitsaanerusariaqarpoq. Naalakkersuisut matoqqasumik aqutsinerat maannangaaq ammasumik peqataatitsiffiusumillu ingerlanneqartariaqalerpoq, Múte B. Egede Aalisarnermut Ataatsimiititaliarsuup sulineranut atatillugu partiip peqataatinneqannginneranut narrujuummisimasoq oqarpoq.

Aqutseriaaseq nutaaq

- Aalisarneq attanneqarsinnaasumik piujuartitsinerlu tunngavigalugu aqutamik - politikkikkuinnaanngitsoq - ataatsimoorussamik siunnerfeqaqatigiinnikkut aqutseriaaseq nutaaq aaqqissuunneqartariaqarpoq. Aalisarnermut inatsisissaq siunissaq qaninnersusoq ungasinnerusorlu eqqarsaatigalugit inatsisitigut pitsasasumik, aningaasarsiornikkullu patajaatsumik isumalluutissanngortillugu suleqatigiittariaqarpugut, partiimi siulittaasoq taamatut isumaqarpoq.

- Inuit Ataqatigiit piumasaraarput, Naalakkersuisut kiisami aalisartut piniartullu, aamma kattuffiit sumiiffinnilu peqatigiiffiit, Pinngortitaleriffik, Naalakkersuinikkut suliallit, kommunit, inuussutissarsiortut, minnerunngitsumik Sulinermik Inuussutissarsiuteqartut Kattuffiat (SIK) peqatigalugit sulineq aallartissagaat. Aalisarneq pillugu inatsisissaq siunissami
allanngorteqattaagassaanngitsoq anguneqassappat, inuiaat inatsisissamut piginneqataanissaat pisariaqarpoq, ullormi Karl-Kristian Krusep Siumumeersup Grønlandsbanken ”politikkikkut akulerunnerarlugu" aamma ”inuaqatigiinni naligiimmik pineqarnissamut anguniakkanik unioqqutitsinerarlugu” isornartorsiuilluni tusagassiorfinnut nalunaaruteqarfiani IA taamatut oqariartuuteqarpoq.

          

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER