Skip to main content

Múte nunanut allanut tunngasunut akisussaasunngortoq

Múte B. Egedep ullumimiit Pele Brobergip nunanut allanut silallu pissusaanut tunngatillugit akisussaaffii isumagisalisavai. Tamatumunnga peqatigitillugu Meeqqanut, Inuusuttunut Ilaqutariinnullu Naalakkersuisoqarik Naleqqamit akisussaaffigineqalerpoq, tassunga atatillugu Paneeraq Olsen naalakkersuisutut ivertinneqarpoq.

Naalakkersuisut Siulittaasuat Múte B. Egede nunanut allanut silallu pissusaanut tunngassuteqartunut naalakkersuisunngorpoq, Pele Brobergi inuussutissarsiornermut niuernermullu naalakkersuisuuginnassaaq.

Pele Brobergi Naalagaaffeqatigiinneq namminersulivinnissamullu taasisoqarnerani taasisinnaatitaasussat pillugit Berlingskemut assigiinngitsutigut oqaaseqarmat, sapaatip akunnerani kingullermilli naalakkersuisut nikisinneqarnissaat naatsorsuutigineqalerpoq.

Oqaaseqaatigisimasai IA-mi, partiini illuatungiliuttuni partiimilu tapersersortaasumi Atassummi aalassatsitsisimapput, taakku piumasarisimavaat Pele Brobergi nunanut allanut tunngasutigut akisussaaffeerutsillugu naalakkersuisuni nikisitsisoqasasoq.

Siulittaasoq siusinnerusukkut nunanut allanut akisussaaffeqarsimasoq

Aaqqiagiinngissutaasoq IA-p nuna tamakkerlugu ataatsimeersuarnerani aamma sammineqarsimavoq, tassani partiimi ilaasortat arlallit Pele Brobergip naalakkersuisutulli ivertinneqarami iliuuserisimasai isornartorsiorpaat. IA-mi naalakkersuisunilu siulittaasup Múte B. Egedep erseqqissaassutigaa, aaqqiagiinngissuteqarneq naalakkersisooqatigiit politikkiannut akornusiissanngitsoq.

- Naalakkersuisooqatigiinni nikisitsinissaq oqaloqatigiissutigisimavarput. Uagutsinnut pingaaruteqarnerpaavoq anguniakkatta takorluukkatallu salliutinneqarnissaat. Minnerunngitsumillu nunamut innuttaasunullu pitsaanerpaaq anguniarlugu sulinerput, siulittaasoq akisussaaffinnik nutaamik agguataarisimaneq pillugu Sermitsiaq.AG-mut oqarpoq. 

Naalakkersuisut nikisinneqarmata, siulittaasup nammineerluni nunanut allanut tunngassuteqartut akisussaaffigilerpai.

- Naalakkersuisut Siulittaasuat siusinnerusukkut aamma nunanut allanut tunngassuteqartunut akisussaasuusarsimavoq, taamaammat tamanna tupinnartuliaanngilaq, Múte B. Egede oqarpoq.

Meeqqanut, Inuusuttunut Ilaqutariinnullu Naalakkersuisoqarfimmi nutaami naalakkersuisunngortinneqartoq siulleq Eqaluk Høegh aggustip 27-ani naalakkersuisutut tunuarniarluni aalajangersimavoq. Múte B. Egede tamatuma malitsigisaanik naalakkersuisutut atuuffimmut pingaarutilimmut nutaamik inuttassarsiortariaqarsimavoq.

Meeqqanut tunngatillugu kommunimi pisortaasimasoq

Qeqqatalu Kommuniani pisortaasimasoq Paneeraq Olsen Naleqqameersoq naalakkersuisunngortinneqarpoq.

- Inuup kommunimi suliaqarnermik misilittagaqartup toqqarnissaa pingaaruteqarsimavoq, suliassaqarfimmi unammilligassat pillugit kommuninik qanimut suleqartussaammat, Múte B. Egede naalakkersuisussamik toqqaaneq pillugu oqarpoq.

Peneeraq Olsen maannakkorpiaq Inatsisartuni oqimaatsunik suliassaqarpoq. Akileraartarnermut aningaasaqarnermullu ataatsimiititaliami aamma meeqqanut, inuusuttunut ilaqutariinnullu ataatsimiititaliami siulittaasuuvoq.

Naalakkersuisussanik nutaanik taasisoqarmat akerliusoqarani 20-t akuersaarput, qulingilualli taasinngitsoorlutik. 

Naalakkersuisussanik nutaanik taasineq
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER