Múte isornartorsiuivoq: Susoqaqqusaava?
– Soqqusaavugut? Soqqusaanngilagut? Kia aalajangertarpaa suna ”siunertaliunersoq”? Timersortartut kulturikkullu pikialaartitsisut susinnaajunnaarsitaaqqapput illuatungaanilu imerniartarfiit killeqanngiusartumik ingerlatsisinnaallutik. Arlaannik naapertuilluanngitsumik pisoqarpoq, tamannalu Naalakkersuisut takusinnaasariaqarpaat nassuiarsinnaasariaqarlugulu, IA-p siulittaasua, Múte Bourup Egede isornartorsiuivoq
Katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit Namminersorlutik Oqartussat nalunaarutaat nr. 28, 31. juli 2020-meersoq naapertorlugu kikkut tamarmik aaqqissuusiniaraluit naatsorsuutigisariaqarpaat tamakku ingerlanneqarsinnaanerat annikinnerpaaffimminiitinneqassasoq, taamaallaalli ”naalakkersuinikkut allatulluunniit isummersornissamik siunertalinnut” katersuunnissaq periarfissaqartinneqassasoq aamma akuerisariaqarlugu.
Paasiuminaatsitat
Killilersuutit sukanneraluaqisut sakkortugaluaqisullu, nunatta iluani aaqqissuusserusukkaluartunik amerlasoorpassuarnik eqquigaluartoq, paarlattuanik nunarput avataaniit tikerartunut qiverneqarnikuuvoq ammaannartinneqalernikuullunilu.
Kikkulluunniit nunanit, danskit nunanut allanut ministeriaqarfianit akuerisaasuneersut killeqanngitsumik nunatsinnukarsinnaapput nunatsinniillu aallaqqissinnaallutik, Sermitsiaq allappoq.
”Qaagitsi tunillallutalu”
Nunatta nammineq innuttai sumiiffimminnit nikeriaqqusaanngilluinnangajattut, illuatungaanilu nunanit allanit killeqanngitsumik tikerartoqarsinnaalernikuusoq, Múte Bourup Egede naapertorlugu imatut paasineqarsinnaavoq ”qaagitsi tunillallutalu”:
– Sooq Naalakkersuisut nalunaarummik taamaattumik atuutsitsilissallutik aalajangersimanerannut paasinartumik aammalu tunngavilersorluakkamik nassuiaassisoqannginnerata kingunerisaanik pakatsinernik iliuusissaaleqinernillu kinguneqartumik apeqqutinik akissutissaaleqissunneqartunik arlalissuarnik pilersitsivoq, taamaattoqarneranilu allaanngilaq Naalakkersuisut soqutiginngikkaat tuniluuttoqalernissaanut ammaassisoqarnikuusoq. Tassa allaanngilaq naalakkersuinikkut ilisimatitsisoqaannartoq ajunngitsoq ornilluta covid-19-mik tunillatsinnissarput.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: