Múte ilaquttanilu Nuutoqqamut nuuttut
Múte B. Egede, Naalakkersuisut Siulittaasuat,inooqatinilu Tina Chemnitz qitornartillu, Nuutoqqamiillumut inituumut siulittaasup illuanut Akianut isikkivilimmut nuupput.
34-nik ukiullip IA-mi siuttup Naalakkersuisunut Siulittaasutut qinigaaneranit qaammatit pingasuunngitsut qaangiuttut tamanna pivoq, aviisi AG ilisimatitsivoq. Tassami nunatsinni illut pilerinarnerpaat ilaat atorfimmut ilaavoq.
Naalakkersuisuni initaartuni kisimiinngilaq. Siulittaasup saniatigut Naalakkersuisunut ilaasortat sisamat ineqarnissamut pisinnaatitaaffik atorpaat, Namminersorlutik Oqartussat ilisimatitsipput.
Ilaasortat illoqarfinnit illoqarfiit pingaarnersaata avataaneersut pineqarput: Peter P. Olsen (Ilinniartitaanermut, Kultureqarnermut, Timersornermut Ilageeqqarnermut), Aqqaluaq B. Egede (Aalisarnermut Piniarnermullu), Kalistat Lund (Nunalerinermut, Imminut Pilersornermut, Nukissiornermut Avatangiisinullu) kiisalu Mimi Karlsen (Isumaginninnermut Suliffeqarnermullu). Tamarmik Inuit Ataqatigiinneersuusut.