Múte dronning Margrethep ukiunik 50-nngortorsiornissaanut peqataajartortoq
Naalakkersuisut Siulittaasuat Múte B. Egede ulluni makkunani Danmarkimiippoq. Ilaatigut Dronning Margrethep ukiuni 50-ini dronningiusimanerata nalliuttorsiutigineqarnissaanut ilaassaaq aamma ministeriuneq Mette Frederiksen ataatsimeeqatigissavaa.
Annonse
Naalakkersuisut Siulittaasuat Múte B. Egede (IA) ataasinngornermi Danmarkimut aallarpoq aaqqissuussanut arlalinnut peqataajartorluni.
-Angalanermi siunertarineqarpoq Ministeriunermik Mette Frederiksenimik ataatsimeeqateqarnissaq, Naalakkersuisut nittartagaanni allassimavoq
Aamma Dronning Margrethep ukiuni 50-ini dronningiusimanerata nalliuttorsiutigineqarneranut peqataassasoq, ilisimatitsissutigineqarpoq.
Dronning Margrethe nalliuttorsiutigineqarnera tallimanngornermi ingerlanneqassaaq.
Múte B. Egedep tamatuma saniatigut Danmarkimi japanimiut ambassadøriat, tuluit ambassadøriat suleqatigisartakkallu assigiinngitsut ataatsimeeqatigissavai.